風雪下的沙甸魚

終於都完成那些論文, 設計圖.....餘下只有一科也是唯一一科的考試。
所有事情都會有其定數..一定有其完成之日。
於是為了慶祝這個時刻, 雪也因此為我而狂歡(看來, 那個<<傾城之戀>>的迷思仍在)
總覺得這此狂歡總會略帶一點危險的氣息 : 風雪最後變成了雪暴。
昨晚我發現雪暴跟香港打風沒有太大分別.除了一個是雪一個是雨水。因為我見識過雪暴的閃電。
我望住那個紅色的天空(當時時間是0430), 那種不是鮮紅的紅, 而有點樣末世撒旦的那種, 是那種把地上的所有焚燒,從地面的火光影映照上天的紅。再想, 感覺有點像從我家看到遠處香港另一邊的中環, 那煙霞的夜空和那我只看到少少的高樓。
再一閃光, 我看見這生從來未看過的紫紅閃光, 再來就是一聲巨響。
看, 這就是雪暴。也讓我想起The day after Tomorrow
今早起來, 雪還未有停。
我吃著紅色的沙甸魚, 再看看外面的白雪...
留在安全的房間, 沒有外出的人...想風雪又與我何干。
不過現實是我們也是最不能去改變這些自然世界帶給我們的改變。
地球暖化, 環保,資源危機.. 這些名詞永遠從書本, 從新聞聽上來總有點無助的感覺。如果一下子可以改變人類生活模式, 種種破壞地球的行為, 這個世界就可以玩耐D.
有時聽見同學( 綠色團體會員)於堂上每一課題都很努力為我們提供環保的資料。
看見他們努力去維護不是自我利益, 而是大家的利益。我多多少少都感到, 真的關自己事, 這個擔真的有份要當。
很早之前我已經開始改變我的生活習慣去好好配合這些課題。我可以做到的可能是帶環保購物袋去購物, 不要買少少東西就用膠袋。紙可以再用的就再用..
一人做少少, 世界都會變......
很久沒有聽過那句, 又再一次在我耳中響起: 地球伯伯病左喇~~

沉積...

踏入十二月, 經過漫天黃葉洗禮,下一章節, 就是那一層一層白雪。
雖然一面痛狠嫌棄餘下的論文, 考試及設計圖..
一面還是自我沉醉這種被撕裂的感覺。
某程度上我應該是享受自虐的。
生活的無力感更加讓我一再拖拉著...

「從來都只是要過得到自己..」
是的, 畢業成績如何重都只是一個數字。
論文寫得如何都只是我和教授二人之間的事。
於是我決定用最後一頁,題為Film as Discourse的小段,
我就把我一直對電影評論的荒謬論說打出來。
我想這是整課學習到的。
從來電影跟戲劇都最容易被利用成權力支配者競爭的工具。

我還是享受自我獨處嘔一些東西出來的感覺。
嘔多3份.我就可以下山。

近日有個奇念,想出家/隱修。
I think therefore I am

Fergie - Big Girls Don't Cry MUSIC VIDEO

聽聞幾條小魚仍然快樂地在ALI的房中游~~~
其實這份短片功課是3個人一組。相信我是全班唯一一個未上過那一堆FILM MAKING 同VIDEO CLASS既外星人。本來我就大安旨意以為我有那兩個好同學頂住~今次仲唔係行行企企呵呵呵~
因為ALI同學比較精拍野(聽SAM講啦)同導演。我就決定做下執劇本同畫STORYBOARD。
拍野果日打算都係SHOW SUPPORT啦, 點知最後做左PA, 又做下演員....
到做EDIT喇~一句導演話佢唔得閒, 要拍其他野, 於是一野留返比我同阿SAM做...
我聽到真係頭到大埋...阿SAM基本上係唔識用FINAL CUT, 而我就只係上年係TV ACTING CLASS用過下~~
唉, 我0係一個冇導演既情況, 用左5小時將30分鐘片, 剪做3分鐘! 雖然STORYBOARD有份畫,不過做剪果個都真係要好有勇氣..問題係呢個唔係我一個人既功課...我終於明白當日ALI自己一個拎部機去影既時侯既壓力, 亦知道點解佢會問下我地想唔想拍下一D 鏡頭....
片終於剪好..希望冇咩事啦~
(呢首歌, 就係一邊比埋魚玩, 一邊聽住~~~~~)

Disney's Enchanted (trailer)

好想睇的一套戲~~某程度是因為因為有DR. Shepherd~~~ 再看看竟然是WALT DISNEY的出品~~~終於不甘心被人拎D CLASSIC 玩(DREAMWORK的SHREK又係真係玩得好睇), 一於自己野都係留返比自己去玩~

魚

短片功課要補多一段片來做MONTAGE~, 今次找來的主角是一條小魚!
意見是我提出來, 主要是說一條魚意外地(人為地)把它連魚帶缸一起跌落地, 魚缸碎了, 小魚在地下掙扎, 最後有一隻手把小魚拯救。
我們在導演ALI 家中廚房拍, 先先枇好SHOT LIST, 於是我地就揀了一條小魚當主角(因為我們保險地買多幾條魚)
先先, SAMANTHA 來做個人為的意外, 不過魚缸沒有爛...魚沒有死, 連續做了三次, 最後一次成功跌爛, 不過ALI沒有開機...
算吧, 我們嘗試來一個大特寫給這條魚, 每次當我們將這條魚放在地上, 它動都不動.....維持了5秒,(因為我們始終不是想殺它)我們捉小魚回魚缸, 它又快樂地游..它竟然學人....扮死!
我們重覆把它來來回回放在地下, 基本上是停留有5秒....它仍然郁都唔郁。我地開始已經開始慶, 因為每次捉佢返魚缸的時候, 佢又游得好生猛!
我們又嘗試再另一條魚來試...不過同樣扮死....我地被玩3小時後...我們放棄。
當ALI 執緊D CAM既時侯, 我同SAMANTHA 望住果兩條魚。佢地好似傾緊計, SAMANTHA話,佢地一定係度講, D人真係蠢, 佢地打算殺我地,我地一扮死, 佢地又扔我地返魚缸, 所以我地一定要扮死, 嘿嘿~~~~~

罷寫?!

美國編劇會罷工, 為了表示支持, 兼表達個人對編劇的尊重, 我都來停BLOG一段時間。(事實是, 我都只是太忙, 根本沒有時間寫...)
唉~編劇會罷工, 點解我地唔一齊罷罷課...話哂我都係寫劇本來交功課。
(事實是功課沒有可能會受影響....)
每天我都倒數...
1. Storyboard X2
2. Major paper X2
3. WRITTEN 考試X1
4. Presentation X2
5. Research Assignment X1
6. Video Edit功課加Analysis Paper X1
7. Editing Analysis Paper X1
8. Setting Rendering(unit set)
9. Costume Rendering(7件衫)
這9件事, 我將會在12月18日內逐一完全.....咁就真正完結喇!!!!!
生活的所有思緒都關於讀書...以下是值得記下:
發現:
我不適合做PRODUCTION CREW, 因為我只是在戶外拍了4小時, 我已經病足成日
我逗留在圖書館的時間多過我的房...(早上十時至晚上十二時, 圖書館是我家)
所有老師一直誤會我們一個學期只讀他的COURSE, 如果唔係, 佢冇可能咁過份要求我們的..
自己設下的PAPER題目: Could we understand CLOCKWORK ORANGE allegorically?原來可以咁難~ 難因為我們只有12頁紙
但係本住良心同對自己的要求, 又唔可以分析得太GENERAL~感覺就似,要用頭3年所學的, 一次過在這份PAPER發功~
交剪接功課, 老師會問: 你份功課的目的係咩呀?功課目的唔係只係交功課, 真正目的是要我地參加學生影展.於是報名去影展的, 就會有
BONUS 5分 FOR FINAL GRADE, 5分..足足可以係一個GRADE!!!!!
同學之間的SUPPORT真係好重要, 特別係一刻你發現自己對住份野就黎崩潰之際....你的同學可以幫你, 因為大家都係邊緣垂死~
吸大麻不是太嚴重, 只要你見識過甚麼是食大麻
還有..UPLOAD一些近期拍的短片BEHINE SCENE 先~
(因為我有份拍, 所以都冇咩相)





D血係咪好真呢? 我同SAMANTHA 一齊整架!!!
不過拍既時侯, 有D 恐怖野發生
無啦啦有個男人行埋黎我地度, 同我地個演員講, 你地要唔要D真血呀..
我地呆左一呆, 之後又同我地講, 你地要唔要真槍呀?
之後導演同學打發走佢, 過左一陣, 佢又過左黎, 仲要一邊講, 一邊將隻手伸入自己外套裡面, 好似想SHOW枝槍出黎~~
我地好有禮貌咁多謝佢既好意..就快快手手拍埋走人~~
果刻, 我真係勁驚!

一生在旅行~~

自從前天阿媽終於完成那個DEGREE 的最後一個考試, 頓時覺得人生變得有點空虛。無他的,之前咁博命去讀, 一下子沒有目標, 都真係有點不知所措架!
見到佢咁, 我雖然仲未畢業, 不過都想計劃一下將來,順手向各方好友交待一下我的去向吧...)
2007年12月18日考完試。
第一站必然先跟男朋友回多倫多,共渡至2007的最後,
收拾一切, 然後離開....
開始我這個無定向的畢業後生活。
剛剛訂了一張單程機票, 2008年1月4日離開多倫多。
第一站是溫哥華。
唯一的目的就是探探那邊的好友I小姐和她兩隻狗。
再下一站應該是香港吧......

生命是以另一生命作為代價, 才可以生存下去

上個POST好似沒有提及打算有甚麼作為...呵呵
工作吧..我期待以久的工作生活來了。
一切未實, 就不能說得太多....

未來不說,還是現在重要。
近日心情有點奇怪.因為要MULTI-TASKING 創作關係, 我學懂了初級人格分裂。
每一個創作的功課, 都會用不同思考模式去進行。
有些時間靜下來,很多舊記憶都會湧出來。其實說出來都很嚇人
先先, 我做緊一份關於自殺的創作, 然後是一個傷心回憶的創作, 最後是一個現實幻滅的創作。
我覺得創作是一種交換靈魂的工作。

想起那句電影對白:
成日話搵人搵人...搵返自己先啦!

鬆鬆的

終於的起心肝記下幾日, 不是是幾星期的事。
首先:
所有事都會有其出現的原因, 及其完結的模式...
於是我看著那個屬於11月的時間表,
以下是應該要在12月中完成的工作:
2個5分鐘的劇本, 3個STORY BOARD,2份十多頁的RESEARCH PAPER, 一份短片功課, 3個PRESENTATION. 一台戲的舞台設計加服裝設計,
還有一份RESEARCH功課。
這刻的我..還是懶懶鬆鬆地去慢慢一樣接一樣去做...急也沒用, 呻也沒用。我已經麻木得不能再麻木。倒不如鬆鬆地去做。鬆鬆的, 靈感也會比較容易捉得住
第二:
所有發明都是為懶人而設
也因為生活太多事要做, 於是發現新奇的小產品讓我鬆鬆的生活繼續可以鬆鬆的。
1. 切好了, 去了芯的獨立包裝蘋果, 一開即食。口感新鮮恍如剛剛切好


我係果種唔鐘意拎住蘋果係度咬既人, 於是這個發明簡直係為我這類人而設....呵呵
(其實我相信係方便那些學生PACK LUNCH用的)

2. 煮熟了, 去殼的獨立包裝雞蛋
這個是男朋友發現的, 他一見就立即買給我...
仲要係OMEGA 3.....幾有營養


簡直係冇得頂!!!!

第二百三十九篇--滴汗

我個人認為-_-"(滴汗)是一個很好用的形容詞。可能我常常都會遇到一些令我很滴汗的情況。
首先, 滴汗不是指很熱。如果有看開日本漫晝的人應該對這個形容不會感到陌生。
以下我是從FACEBOOK內一日一爛GAG, I m not a plastic bag裡CLIP的def.
「滴汗」(指人的感覺如卡通動畫中身上出現滴汗圖案的角色所得到的感覺相同，網上符號為「-_-'' ;;;'」)；
無奈；神情呆滯；無言以對；反應遲緩；或大腦一片空白。
今早看一看那份COURSE OUTLINE, 發現今日的SCHEDULE是away in conference。佢去CONFERENCE, 即是OFF啦~
於是我下晝走去問教授今晚要不要上堂?
我問: 今晚駛唔駛上堂呢?
他: (我想佢企圖係想風趣一點)今晚我就一定要上, 其他人可能上, 又可能唔上, 你又有可能上, 又可能唔會上.....
我: (............-_-"...)不過COURSE OUTLINE寫你會去CONFERENCE.
他: Oh...個CONFERENCE 改左期~(佢以下係一個好DRAMATIC既一個反應..還要配合誇張的動作)
咁即係今晚會有一個Low attendence?!(佢開始抓頭髮, 發狂~總之係OVERACT啦!)
咁佢地會唔會唔上堂架?(開始自責..打心口)
我真係好-_-"...於是我說: 放心, 你今晚會見到我.....(企圖可以撤退)
佢仍然自責....於是我就決定悄悄地溜走~~
晚上, 準時上堂。他還帶備十多杯咖啡, 茶加DONUT......雖然得一半人上堂, 不過佢己經全程表現心存感激的樣子~~
-_-""

第二百三十八篇--十月

感覺上今年十月, 雖沒有秋天的氣氛, 卻感到那種它獨有的悲涼。
課室內那種充滿壓力的侷促感, 跟校園內無憂的生活感形成強烈的對比~
幸好聽取同學的意見, 預留一些低年級的課到最後一年才讀, 讓我還有機會喘息。
這一科是RESEARCH METHOD
讓人懷念這種老師授課, 我們上堂, 考試題目直接將她教的, 完完全全寫出來的學習模式。
不知從那時開始, 我遇上的所有教授, 總是放棄上堂, 授課 ,考試的模式, 總來的是半自由選題,自行搜集有關資料去做PAPER。
如果為了考試而上堂, 那麼可以不用上。另外他們教的也不保證對你的PAPER有用。
堂上教授說的只是他個人的見解, 真的是睇佢做SHOW!這類型的教授方法不是太多...我有幸上過很多~
當身邊的人(多數不是同系同學.)跟你說: 嘩..你就好啦..唔駛考試~~, 又冇MIDTERM....真幸福!
佢地永遠都不明白那種,怎樣做也好像沒有100分的無助感!!
我已經是比較幸運的一批...再看身邊讀VIDEO 跟FILM MAKING的同學, 它們要自己一手一腳去拍那些作品。不要忘記他們還有其他非PRODUCTION CLASS 的PAPER~~~~~~~~
我知道, 我已經是比較幸運的一群!!
那一天, 拖著那疲累肉身去上堂的路上......我跟同學說:
這就是FINAL YEAR 的真正意思, 就是讓我們快一步去適應這個真實社會。
每一件要我們做的事, 沒有人會再帶領, 教我們如何完成。
我們所做的每一件事都再沒有標準答案。最後只有我們自己要求自己~
如果不想讓人給自己一個低分數, 就要自己努力, 除非你自己甘心被人評下一個低GRADE。

如果過得到,做得到, 我相信這就是畢業吧~~

第二百三十七篇--重新...

近幾年, 心中經常有一個理念跟住自己...
如果有些事, 機會又或是人, 沒有如我所願得到, 總會有它們的道理。
例如, 它們都不是一些帶給我最好..
又會有些事, 危機, 錯失, 又或是人, 無啦啦會發生在我身上, 總會有它們出現的理由。
例如, 這些事能令我重新面對自己, 讓自己進步得更好...

正如好的編劇所編的劇情都應該有它存在的目的及理由..只是主角/觀眾或許未能即時意會得到。

前陣子, 跟一個新認識的長輩談論「命」。她說估不到我那麼年輕就認識「命」
我笑一笑, 我當然還未去到知命的境界。
正如莎士比亞的劇本,你問我現在能明白嗎? 我說我只知故事,還未夠資格參透箇中道理。
有些事要有些經歷才會可看透...可能十年後再看HAMLET, 我所看的又是另一個故事。

朋友剛投入社會工作, 開始的時侯跟我說, 很開心!因為讀書跟工作的分別是...放了工真的有私人時間,再沒有家課, 再沒有考試, 再沒有等等...
幾天後,被人無理解僱，原因是辦公室政治。
讀書要成績好, 勤力就可以, 基本上一分耕耘一分收獲....
工作看來不止這些...要顧全要承受要學的都不止工作表現好這麼簡單。
不要以為工作一星期, 幫公司已經搵了客, 代表成績好。
成績好也不代表一定要留低。
工作沒有了, 最大的問題就是會質疑自己的能力問題。
不過朋友都不用太緊張, 所有客觀條件說明, 不是你的能力問題。
幸好朋友除了那一天心情不太好外...這件事也為她解決了其他的問題, 例如感情...
最後她更高興地收了天給她的另一個「恩賜」
她等了好幾年, 終於給她等到SWAROVSKI 出了POOH POOH 系列....
她興奮地打長途給我, 我已經知道她已經想通了。

至於還未投入社會的我...只是繼績用勤力換取成績...這些安全學習模式。

楊千嬅 - 只談風月不談戀愛

除了開歌做野之外, 去旅行坐車坐船坐飛機, 我都會鐘意重覆重覆一首歌。
呢首就係今期精選....
歌詞是真的, 如果沒有太多話題, 重遇那些人, 都不免會出現DEAD AIR.說話內容最好不要有太多「內容」, 要比較距離大家遠一點。可笑是, 大家是曾經無所不談的一對......

歌詞:
來坐低談論亦舒的作品
內裡角色都流行看破情感
共你能坐低閒談電視「２４」劇情的震憾
內裡底蘊逃避說愛你
餘下題目別要緊
雜誌又報導女星結婚
就這樣退下覺得無憾
你話別要盲目到為愛犧牲
為你講東講西再為你講到地理
天高海深從何時得出這天地
其實是不甘心談論我怎掛念你
若要拖多一刻我就要講到物理
憑物質分析心理
下個題目應該說布拉格傳奇
也不想涉及你
來坐低延續辯論上次曼聯的佈陣
令你興奮從未會待我
同樣強烈地上心
亂說日報上那經濟版
預算大市近況很平淡
再淡未夠談論愛更加心淡
尚要講東講西議論到煮送料理
中式西式從何時更改你口味
其實是不甘心談論我怎掛念你
若要拖多一刻我就說掌相命理
從沒有這種福氣
下個題目應該說你婚嫁日期
也不敢碰運氣
彼此之間講到去上世紀
而情懷總要拼命迴避
難得放下了跟你是與非

喜中帶悲
拖拖拉拉我又要講到地理
開始兜圈題材無多怎去閃避
其實是很擔心沉默到揮發悶氣
就算講東講西也別要講我恨你
然後呼吸一口氣
下個題目只好說那一次別離
也不忍責備你

Sarah Chang - Salut D'Amour (Elgar)

不知道從何時開始, 如果我開歌做野, 只有3個CHOICES...
1. 不停重覆聽一首歌
2. 聽古典音樂
3. 聽外語歌
基本上3者都是出自同一個道理, 不要揀一些要用腦去分析的歌, 只要那種MOOD去襯托一下環境吧。
不過說到底, CLASSIC的成效比其他的高。連READING時, 都可以用來作BACK GROUND MUSIC, 不會分心, 還會更上腦。
唔記得幾時, 聽過專家話, 聽CLASSIC 去溫書, 比較容易入腦。
又說當BB仍然係媽媽肚裡面的時侯, 聽CLASSIC會令他們聰明點...

究竟CLASSIC由幾時開始可以咁" 功能化"呢?
我相信那班已故的大師當年都未必會想到自己的作品除了給人欣賞以外, 還可以咁功能化....
呢首歌係我其中一個至愛的CLASSIC之一
Well...呢個MV既小妹妹已經長大, 不過佢仍然都係咁勁....點解我細個唔堅持轉去拉VIOLIN呢!!

生活繼續...
多謝一班同學的關心。
特別是SAM..本來我都沒有打算跟他們說。不過要託他們幫我TAKE NOTES, ATTEND MEETING...唯有跟他們交代一下。
我跟細佬都說: 其實大家都知道說出來, 大家都是說那一句安慰, 我們也是說那一句的回應。
我們都不忍心令唔開心的感受傳開去...

大家都要身體健康

近來家中忙著做白事, 一直都冇時間上網。
習俗上, 我跟細佬兩個人係最主要負責既人。
於是好多人都會比好多意見, 好多好心既提點。大家既出發點都係好..大家既出發點都係想我們安心一點!不過咁多野, 聽得邊個講丫?
不過不在香港, 有好多野都真係幾唔方便:
先先買金銀,路票, 香燭等等的物品..基本上價錢係等到香港既標價。依家加紙高過美金, 即係等同將香港既價成大8倍。
不過基於大家都希望安心一點...所有禮節一定做足。這些錢一定要花!!我同意..不過我真係有點懷疑大家所謂的禮節, 有沒有一個準則?
每個人都唔同VERSION..每個人都有唔同方法..有時真係唔知可以聽邊個講...
不過我同細佬已經知道...我地都係想佢媽媽安心一點, 好過一點...總之, 咩事都問下佢阿媽..佢安心..我地就已經做足哂所有野...
我仍堅信孝順係應該身前做..身後可以做的真的很有限。
雖然我唔係太信燒金銀等等..不過這些RITUAL真係有助抒緩情緒...有D野做, 有D野忙...好過坐係度亂諗野..我估呢個先係前人既智慧!做禮節既重點。
依家真係冇咩人識..我果個細佬就更加唔會識啦..我呢D同佢係買野又可以班門弄斧..點知
佢: 你咁叻既..知哂咩黎架喎
我: 係呀....(其實都係叫得出係咩名.)
佢: 真係睇唔出呀?
我: 睇唔出咩
佢: 你成個婆仔咁囉....(我已經係呢個位打左佢一大野!)咁點解你會識既?
我: 我呢D細個放暑假去阿婆度, 跟佢拜佛..又跟佢呢度去果度去..得閒又摺金銀...我仲識摺果D 好大果D野..
佢: 勁喎..暑期研習班
我: 有幾勁, 好多都唔記得
佢: OK啦..你話依家仲有咩人識呢D野丫..嫁妝麻!!!煮飯係人都識啦...呢D野唔係個個都識!
(賣金銀果個人同我STEPMOM講一D 禮節既野, 因為佢尋日講, 同今日講唔同..我地跟左尋日既野...錯哂..今日又學D新野)
我: 唉
佢: 唉咩..
我: 大件事囉
佢: 咩事
我: 阿爸實笑我地啦...咩都"拿手唔成世"
佢: 係呀..佢一定話..唉..唔識就唔好攪咁多野啦
我: 係啦.佢一定話.......
(我同細佬兩個一邊講, 就一邊搬一袋二袋既金銀衣紙上車)

P.S, 大家唔駛太擔心我...我好好..
過左身既親人都一定唔想身邊既人太傷心..
只要好好生活下去...先是最要做的禮節!!!

今日天氣好好: 藍天白雲。PROF 就決定將我們的課室由RM 2126 帶到學校旁的GRAVEYARD!沒有錯, 是GRAVEYARD!!!!
坐在草地上,靠在一大棵樹旁, 這就是我們的FILM THEORY CLASS。PROF 經常提著, 我們這個學期要以試驗的心態, 要打破常規, 挑戰大家的BOUNDARY地去上堂。
繼上一次一邊播著默片, 一邊教書後, 今天, 我們來了GRAVEYARD上堂!!!
我們坐著埋下很多死人的GRAVEYARD....他說我們就是從DEATH 開始,坐著這裡, 抬頭就是整個UNIVERSAL.
做創作就應該不要限於INDOOR, 我們要走出課室..感受這個世界........
於是, 和我們上堂, 還有身邊一隻又一隻的不知名小朋友, 他們正努力在被我們佔據的地盤走來走去....
而我半躺於草地上, 聽著PROF的講解, 抬起頭感受陽光穿過樹葉打在身上的溫暖, 還有那陣陣的微風......

課上了一半, 我們被工人趕走...課室由GRAVEYARD轉去DRAMA SCHOOL前的空地....
記得上一次坐在草地,不記得是排戲還是甚麼....再上一次就是YR 1 入黎第一日, 同FLOORMATE一起坐在草地上食LUNCH...
時間真係快..

今日看了以下的一段:(苦笑)
For all those drama kids out there who have lived through hard classes that we know a hk or business major could never pass.
Have you ever heard these classic lines?
"drama? shit that must be sooo easy!"
"you are in what program"
"so what, do you take classes in easiness?"
"what are you taking this semester, how to breath?"
etc.

咖啡

我以為我從來都沒有咖啡癮。
在香港的時侯, 我討厭茶餐廳的所有飲品, 每次要想餐茶的時侯, 都是最頭痛的時侯: 我不喜歡檸茶的苦味, 不喜歡奶茶的脹肚感, 不欣賞咖啡的香滑感, 最後我多數是直覺跟大隊式點了凍檸茶或是杏霜, 甚至是華田。

初初來讀書時, 同學都一杯一杯把咖啡帶入課室。於是這個急於融入群體生活的我, 都學人飲咖啡。
從來我都不相信飲加糖加奶的咖啡對提神有幫助。因為上了DIET COKE癮, 會不時用DIET COKE來令自己醒醒。
直至不知從那一天, 沒有加糖, 只有CREAM 的咖啡在我生活出現, 我發現那一種味覺口感真的帶給我的身體一點很實在的感覺。雖然不是真的很喜歡, 但如果那一天早上沒有睡得好, 我都會為自己的靈魂找一杯沒有糖的咖啡。不過只會加CREAM的咖啡。

記得於英國上課時, 同學帶了我去了一間好地道的餐廳。那是一個微雨陰陰天的早上, 店主給了我一杯很香的WHITE COFFEE, 只有奶的咖啡。
回到這裡, 找不到那天那杯WHITE COFFEE的味道。在那些連鎖經營的咖啡店找不到(其實我根本沒有期望找得到)
於是我買了我人生的一個咖啡壺。
每天飲自己弄的White Coffee。不過口感仍是差一點點。
從來口感都是很個人的, 那一種COFFEE配上那一種"WHITE"都是一種追求。這個追求是花時間, 不過我都不太急。
正在等沖咖啡的我, 仍會說
相比那些一天幾杯的人, 我相信我自己沒有咖啡癮。

開學了

以為最後一年會被之前幾年輕鬆,不過每天都有很多事情要處理。
一切都不能看表面。表面上最後的5科, 只有一科有MIDTERM跟FINAL...(這是Yr 2的科目)
其他全都是沒有MIDTERM跟Final , 只交Project跟PAPER.
先說其中2科, 這2科就是Film Theory and Critcism 跟 International Media Policy and Systems
本以為是悶悶的THEORY COURSE,但竟然要求我們交STORYBOARD 跟劇本再加一份PAPER。
說甚麼先讓我們找出一個THEORY, 自己再做RESEARCH, 之後用那此RESEARCH再創作一個新的MEDIA 作品!!!!!!
2科都是由同一個PROF教, 即是我要交2份所謂既劇本
這裡我學懂一個道理, 不要同時讀2科同一個老師教的科目。基本上每一個老師都會有自己一套的教學方法。例如當年DR. MARTIN的教學方法已經令我大開眼界。 還以為最後這400 LEVEL既COURSE 會平平實實咁過...點知殺出一個教開PRODUCTION的老師來轉教咁THEORY既課..我仲要一野上2科...哈哈.
另一方面係上DIGITAL MEDIA....又係一科, 又要讀, 又要做死人既一科....仲未知可以有幾忙..
最後就是DRMA 的Indep't Study, 做玻璃動物園的SET加COSTUME.又係冇 MIDTERM冇FINAL...學期尾做一份DESIGN出黎收工!!!!!
雖然自己睇返都有D恐怖..不過我有信心呢個最後既學期我一定會過得好開心!!!

聽日返HK喇...

聽日又要飛喇...今日瘋狂SHOPPING 之後, 想想今次的收穫:
走訪過牛津, Stratford Avon(莎士比亞故居), 溫莎(真正的溫莎)....
還有花了整天時間行了: TATE, V&A 美術館,倫敦塔......
看過Little SHop of Horror, WICKED 同MouseTrap.....
買了一堆好死重既書, 影了一堆沒有自己的相。
還有上了一個影響我很多的COURSE,
認識了一堆好同學...
這個充實的英國之旅令我充好電..
記得每次來英國的感受都不同!
第一次是1999年..第二次是2004
今次2007年..最開心是找回99同04年的PASSION..
經歷了Lost Stage..原來一個人可以好LOST..又LOST得好開心!
遺憾就係好友ATHENA太忙喇..唔緊要啦!
希望我會好快返黎探你

沒有雨點, 只有淚水的倫敦

可能日日留係INDOOR上堂...出面究竟有幾大雨..我根本感受唔到!
反而我日日係地鐵, 係街上, 係每一個角落都看見有人哭...
還要是好傷心那一種哭...那一刻...那一種酸令我很辛苦。

課程很快完結了....大家剛建立的關係的時侯, 又要分開。
我地由第一天開始, 大家LUNCH已經成班人圍埋一齊食....放BREAK時, 又一齊飲COFFEE, 食件餅。基本上大家係一齊生活左幾日。因為大家既感受係一樣...放學再沒有ENERGY去PARTY...大家好快就回家睡...一早又起身迫車返學.
全班14人, 只用了幾天就建立了出的默契,我唔知道係這個課程的設計, 還是這真是我們之間的緣份。

同學比較熟一點的有BETTY, 一個讀MUSICAL THEATRE 的女生。基本上我跟她永遠處於一個唔知發生咩事的狀態。因為我跟她由第一天相識時而說, 我地抱既係感受狀態...沒有特別目的地感受.....所以好多時都處於一個無重的心理狀態...是有點兒迷失..不過感覺很好!!!!
還有是一個老婆婆, DONNA..我跟她的緣份是我跟她一起做的PAIR WORK...係一個MOVEMENT TOUCH 的EX..
完了那個SESSION後, 她說我的手很WARM...於是從那次開始, 我跟她每次見面, 都會輕輕的擁著一起..她是一個好NICE的老婆婆。
另一個就是THOMPSON..是一個讀DRAMA 的學生, 跟她做PAIR WORK....最好玩。
不知何解, 好自然做PAIR WORK INPROV. 我都會跟她PAIR UP.我跟她基本上不用說話, 只有眼神, 就會明白對方想做甚麼..很神奇!!!
而大家既ENERGY LEVEL 差唔多的關係...跟她WORK 可以好放...超喜歡她!!!



晚上看了<>, 一心看看LONDON CAST, 點知, 發覺自己學校做得仲好睇!
唔知係咪因為係學校睇時係第一次, 今次知道哂邊個, 冇左果種投入感?我仲記得果次睇, 殺人果野, 我同CECI係一齊緊張到叫左出黎架!!!!!

課終於開始了(其實開了幾天)
如其說是上堂..不如說是一個旅程。
旅程過了一半, 由興奮, 迷失開始....
不過她真的提供一個好安全的地方, 環境去將自己去FREE FLOW.....
我有一秒抽出黎, 望D 同學...我想如果外人見到我地..真係以為我地個個上哂身..呵呵!!!!不過感覺超正...我覺得任何人都可以去試一個SESSION....一定有出乎意外的收穫!!!!
在這裡, 我們的角色不是CLIENT...我們只是嘗試找自己身體不同的可能性..
同學之間好SUPPORTIVE...今日跟幾名同學有一些NON VERBAL 的 PAIR WORK..OMG. 果陣感覺難以形容!!
我只可以話, 原來拋開哂所有野, FREE FLOW的狀態下做既EX 可以咁CREATIVE!!!!
同學除了本地人外, 有德國人, 有韓國人....有一半是劇場工作者, 導演, 老師...有一半如我是DRAMA STUDENT...
不過放學時真係累到死...因為係每一個SESSION都要好專注....
感覺就係上左一日既ACTING 堂!!!!!!!!
上堂完全覺得無問題....落堂就好似成個身體唔再屬於自己一樣...

品冠 梁靜茹-明明很愛你KTV

超好笑的MV....跟大家分享一下....我在RES自己一邊看一邊大笑..上堂消耗太多精神喇...大家睇住MV先啦(自無印良品開始其實我覺得品冠好過光良架...)

We are going to Windsor,
ITs the REAL one , not the fake windsor in Canada.
lol

Miss you all in Windsor~~~~~~~~

時差

連不上是因為時差的錯嗎?
走過那多霧的泰晤士河, 漫無目的地走在街上。
原來這一刻, 我會想起你..

我往那裡去?

人在倫敦主要不是去旅行, 而係上WORKSHOP...上WORKSHOP係因為我想係LONDON 讀書
我記得1999年去LONDON, 我果一刻既夢想係去英國讀戲劇架!!!所以呢..我都幾堅持揀呢度讀MASTER!放棄果個加拿大.

不止一兩個人問我, 幾時返香港..隨後他們會講下我可以做D咩咁...
今日坐車時, 我靜靜地想....呢個我冇靜靜想過既問題
如果我預期的計劃無風無浪咁去...即係仲有2年先真正可以話返香港...
2年時間, 聽起上黎好似好耐..不過回頭看看自己走左三年幾..又好似好快過!
唔知2年後會變成點...香港係咪真係有野等緊我...我係咪真係夠期返去?
當呢幾年...係咁飛係咁飛....有野想買又唔敢買, 因為唔知可以放係邊度...我養隻小動物又唔得, 因為我有責任照顧佢一世, 住既地方成日要搬...連我自己都唔知家係邊, 又邊有可能比個家人地丫.
對一個CANCER人來說, 沒有家...係好辛苦!!!!
度度都好似留唔耐..我幾時先可以有番個家呢?
算啦..

再講丫我好多野想做....不過唔知點解依家咩都未開始做得呢?
感覺就係身邊所有人都好似等緊一樣野...等果樣野一黎, 我地就可以全力開動
不過果樣野係咩...
我姑且叫佢做運啦...
呢D 等運到既感覺好重...等運到唔等於咩都唔做..而係...要守得好...準備自己去等運黎.
好大學問架!
哈哈
(呢篇野係自己同自己講野..係咁跳係咁跳....因為自己野..所以唔負責睇得大家明)

牛津

英國慢香港七小時.......
由倫敦往牛津, 坐了差不多個半小時去這個大學城。
一落車...我呆了半分鐘。這裡真的是牛津嗎? 還是只是City of Oxford.
我姑且當佢係一個TOWN去睇....基本上所有野都係應有盡有! 唯獨沒有書院味!!!!
先去一個叫OXFORD STORY的地方。這是一個介紹幾百年U OF OXFORD的地方。最特別是坐上電動車, 經歷幾百年的發展。全程約10分鐘啦..全部都係WAX...燈效及像真度一流....不過太多資料都係輕輕帶過....基本上係上了一個101 COURSE.
之後走訪了不同的古建築及博物館。
去牛津因為劍橋。在劍橋, 書院、大學、儒雅等等的感覺很深...牛津..對唔住..真係商業化好多
基本上要我入校舍, 一律要入場費...
全街一地都係遊客...可能開放出來的地方就是遊客區!! 不過我只係想行下間大學, 讀唔到, 睇下都好丫!
我相信我唔止讀唔到..我連入去感受既機會都冇...
唯一就是我走入那個THEATRE 地段內, 被一堆一堆故建築包圍, 而四圍冇哂人..果一刻。我被感動!
不過這一刻只有5秒
最後, 竟然柳暗花明又一村....
原來離開那堆人工化的地方..附近真的有一帶散發出當年我去劍橋的氣味...
如果大家有機會去....一定要去行近D河果邊....再慢慢散步。
可惜, 時間, 人物, 地點和天氣的錯...我冇緣感受那一份的靜...

倫敦2007之住

先先多謝我FRINGE 既舊同事, DEANNA既介紹...搵左一度又平又好既地方...就係入住學校RES...
只需要20GBP, 就可以SINGLE ROOM, 同PRIVATE BATHROOM...仲要有得上網!
因為一早既關係...我只係影住D房裡面D相先(唔知點解, 我轉極都轉唔D相)

倫敦之旅

一早去機場CHECK IN...九點九機, 七點出發。
將行李寄存好, 就施施然去左食早餐, 上網(我都係今日先知, 原來全機場都有WIFI架).....之後就入閘等機。
機程比去多倫多短.全程基本上係食左一個唔可以再難食既飛機餐..係咁訓下醒下..
12個小時內看了一集CSI, 一集HOURSE, 同一集GA...同埋係IPOD 聽住一首歌唔知幾多次
最後臨降落頂唔順要同坐隔離果個人傾計。一個臨落機, 會用一堆BIOTHXXX既男仔。佢唔高, 不過好大隻....
佢由湖南來讀MASTER, 主修: SPORT MANAGEMENT....佢自己係國內的大學讀SPORT EDU.我用我果D有限國語, 同有限既體育知識, 去同佢傾緊......總之就係果D國家隊, 代表隊既LEVEL啦...(早知, 一早影低相啦, 佢呢D一定紅架麻)
因為佢拎住STUDENT VISA,我同佢就分開左行....
點知等過關既時侯,.明明之前果個人都未走就叫左我去COUNTER, 我同前面三唔識七架喎!原來果個人係唔識講英文既香港人。於是找我來做翻譯。
我都真係O左咀.....不過因為我未過關, 而深明海關既人又唔得罪得既情況下...我就做左10分鐘既翻譯。 足足問左果個人十分鐘呀!原來做即時傳譯好型架!!
到我既時侯, 佢一邊同我講笑一邊咁同我傾計....同之前查問果個人既態度, 係完全唔同..我都係第一次覺得海關人員真係好好笑!

ATHENA 接左我機, CHECK IN 之後, 就帶我去食飯...我地本來去OXFORD CIRCUS附近食一間叫...MASALA 既印度野..以為坐巴士OK 啦..點知巴士唔知點解停左..我地行左半個鐘先去到間餐廳..雖然好累..不過我都食得落(呢個要歸功坐長途機千祈唔好食佢既飛機餐既理論...)之後我就自己返RES.(我下次先影RES既相時先介紹)其實
我到呢一刻都冇旅行既感覺....果感覺似返左加拿大。
果種唔駛想就知去邊, 唔駛拎住地圖左睇右睇既感覺...我估都係只有呢度先有...
(其實係因為有ATHENA, 我先唔駛睇即...哈哈)

Sen5e

今天一早如常來一次熱水浴。將花灑較好高度..由水任意隨我面的輪廓流下來。記得小時侯, 我很怕水入眼。每次只好烏低頭。
唔知道由幾時開始, 我習慣了水....
閉著眼, 用了不常用的觸覺去感受水的流動。吸著的熱氣令我整個人進入另一個思考的模式。

越來越覺得有一種奇念出現: 如果這一刻死去就好了。
因為那一刻是值得放大至永恆。
我做唔到....所以我只可以記住。

奇念的出現頻率越多, 思緒的波動隨之而多...
如果要數算那些「一刻」奇念的作用...最大的可能是讓整個人有返思考生命力

我太缺乏推動力去創作...不是甚麼大的創作計劃...可能只係一些記低思緒的觸動能力, 我都失去..
不過這幾天, 它們好似返黎搵返我...希望去英國會好一點吧!

帶住阿眠上機...我應該放佢係寄倉定手提呢?
當我發現自己已經將所有野塞好在行李箱內....看來我唯一可以就是抱住佢上機
下一站倫敦

時間過得好快

時間過得好快, 過到依家打另一篇既時侯, 下面既女主角都換了新男主角。
究竟係我打得慢定係佢既桃花快?

會考放榜, 收到舅父打黎叫我幫佢個女DRAFT封信比校長..我自己感慨左1小時。想起八年前的自己, 看看八年後今日的自己。
用了一個晚上, 寫了一封好DRAMATIC既信, 之後換來舅父既一句: 不愧寫劇本架...心裡我只想講一句: 我都唔係太想寫..(寫得幾好, 原校升返, 係咪真係對佢好丫?)
記得當年中六讀左頭幾日, 一個同班同學同我講, 我冇想過讀大學呀, 可以去銀行數銀紙, 我已經心願足矣。我果刻同自己講, 我唔可以咁過一世...於是一野走左去IVE.之後又係另一個故事。呢個係我既故事。我身邊太多故事喇..我唔係最傳奇那一個, 我只是比較好彩既一個。出面世界好大, 去到IVE, 再去POLY, 見到太多人, 太多唔同既人.....最後就是有些人, 一些事...才會成就這個我..

下星期四飛倫敦喇....
係香港...時間過得真係好快

未癲, 因為時侯未到...

好朋友在失戀中....其實係不同地方, 不同時空, 我身邊都有數位朋友失戀中...
失戀係會有進行式...依家比你失就失呀? 當然唔得啦..失都失得有唔同形式!!!!

首先講下一個我冇咩點理既一個CASE先, 因為呢個最好係咩都唔駛講...由佢慢慢發出黎。同埋有咩好傾即...過氣男主角一野話分就分, 重要好朋友強調佢地有離離合合既9年感情..
好朋友話自己比想像中平靜....係呀, 因為根本不到時侯癲...
多數現實比較難接受, 尤其係分手理由。
我一邊睇好朋友既日記, 她寫出三種自己想像出黎既最有可能分手原因,佢一邊打出黎,又一邊逐一擊破!
最後保留的可能就係, 佢愛我, 不過希望我搵過個更好既...(對唔住..我睇完, 真係笑左一聲)
其實我明白佢點諗既, 我都冇對佢果個過氣男主角有偏見, 分唔分手同果男人好唔好, 基本上呢...就冇咩直接既原因。
不過, 我笑既主要原因都唔係因為佢...(所以呢, 阿好朋友唔好同我絕交住....)我都係笑我自己即...
永遠係旁邊之之左左既都係冇用架..我就試過做呢D女主角, 呢D就係真係睇下自己條命水喇...好既就幾日冇事, 麻煩D就可能幾年.....再麻煩D成世都有可能...
其他可以勸佢既....隨手幾大打既說話大把啦....不過要阿女主角聽得入耳, 聽得明, 自己明先得既...
講風涼話比較容易, 心痛既感覺真係要自己化...化到咪又過一關.....
不過有時你望下個天, 望下個太空, 想像自己係太空望返落地球, 再望下自己身處既國家, 自己間屋既自己.....一粒塵黎架咋..
真係咩都唔係呀...
拎得起, 放得低.....唔細喇..日日比自己既負面情緒帶住自己真係對自己唔住!
找個渠道比自己得閒發下癲...
冇問題架..
唉, 真係講得多都嫌自己長氣....
我最後想講多一句:
回憶係冇力量既....(唔係我講架, 係<<我係金三旬>>講)

我要的幸福

基本上我的HK渡假生活天天都幸福地過...
話哂都係畢業前最後一個暑假...於是我就日日嘆世界!!
跟媽媽呢度去果度去!!!!!!!!!!!!!!!!!!!!
一家人開開心心咁日日家庭日, 去會所游水, 打波又唱K, HAPPY HOUR
食盡一切阿媽話「全HK最好食既XXX......」
最後連朋友見面的時間都不夠...
呵呵!!
最衰陳生仍然身在加國, 唉.... 如果一齊返黎就好喇!
不過佢有佢自己既PLAN既...

回來後陪好朋友們求神問卜一番, 真係準到嚇死我地呀!
身邊的朋友知道後都叫我幫手問一下。 唔駛喇, 又冇咩大吉利是, 咪問咁多啦...
最後超幸福既我都係問下學業啦..如果真係一切成事, 明年就真係又要讀書喇!

我又八卦去問下陳生條命....嘩!!!真係不得了....不過都係要等時來運到...守下啦
真詭異...好友又係要等, 陳生又要等....至於我.....都係等..不過就快少少喇!!!
於是大家係等運到既情況下, 我就咩都唔做喇!!!!(YEAH! 簡直係一個爛藉口!!)
講笑即...做野架喇做野架喇
尋日韓國同學先比說話我聽, 問我D野攪成點...
都係要開工架喇!!!

唉...要去拔智慧齒喇!!!!

Moving On

如果我有80歲命, 我已經行過左1/4多5年...
如果我60歲退休既話, 我仲有35年去為我既人生努力!
今年生日, 去了一間六星級酒店吃過一頓好貴的意大利菜, 好食程度足以令我唔想再食其他意大利菜....
又吃過一頓烏黑蘭菜..
最後更被那不同的酒精洗禮我的喉嚨。多謝所有愛我的人..

於是一切過後, 感覺好似清洗我過去2年的頹氣....說實在, 是3年!
過去2年不是為自己而生活的我,根本就好似將自己放入一個摩天輪, 以為自己可以去到很高, 不過又再落返黎, 可以再去...最後又落返黎...永遠都捉唔到那個浮於空中的氣球...到最後, 我發現我根本就不想玩摩天輪

我深信資格這個課題。當我好努力想去做到一個原型, 原來咁多年之後, 終於有個人會跟你說, 根本不是原型問題, 而是本身的成份問題....
原來當初的對只是一個巧合與出錯的結合....如果你根本不應該存在於這條生產線上, 任你在工廠上點努力, 都是徒勞無工...又正如那個摩天輪, 畏高的我, 點玩我都唔開心...

就在那個落了很大雨的下午,吃了一頓在上環酒店的自助餐後.. 由正街, 往德輔道..最後去到永樂街..
在沒有問卜的心情下, 給大師指點幾句....如果是命..我的運真的要來嗎?如果是命, 在那交錯的這年...給我知道, 給我清醒的看來比我已知的更實在, 更真...

沒有人同我講過接受真實究竟需要幾大的勇氣? 又或者呢個唔係勇氣既問題, 而係點處理的問題。
從來只有我叫人去看開一點, 放開一點...到自己的時侯又是多多藉口..
原來一念之間的力量比想像更大。佛說, 從來沒有人可以帶給你任何傷心..一切只是來自你自己一念之間。
每個人都只是一個過客.....都說佛理從來都是耳熟能詳..如果你聽得到入耳, 就真係阿彌陀佛..

最後一切都留在看過<<每當變幻時>>, 所有所有都跟著淚水沖過去....
我看戲很投入, 如果有得比我投入...
我做人都可以好投入...如果有得比我投入...

你問我這刻想要乜, 我會答你....我會快快手手的起心肝完左果三個故事大綱..搵一個好心既老闆...
我信命, 我信運..我更信努力...
從我開始懂事的第一天開始, 我知道人應該要好努力先可以得到要既野..

多倫多無聊生活記

這個BLOG既內容有少許臭.....
不過又好好笑.....
話說自從我返左去多倫多住...我STEPMON回HK...我同我細佬2條友日日玩煮飯仔!
兩條友係個廚房亂咁自創菜式..好開心!
當然得出黎最最成功既就係...我識左煮水蛋!!!!!


當大家食完之後, 我地多數都係自己走入自己房...
等我簡介下我家既情況先...最高果層係我同我細佬兩個人煮..有2間房, 1個WASHROOM..
我細佬個表妹就住係BASEMENT, 門口就有一個佢自己用既WASHROOM....
另外主人房有自己WASHROOM..,不過唔關事唔好理啦

多數我會去我細佬間房度玩....之後我地發現我細佬個表妹去左我地果層既WASHROOM..我地就覺得好奇喇...
佢明明沖左涼....做咩要上黎呢...
之後我同我細佬講: 有D肚痛TIM...當我見到果個表妹出黎既時侯, 準備入去啦!點知佢唔比我入去..佢話唔好入啦
我同細佬都知咩事啦...
我地就問...點解要上黎既
果個表妹就話, 因為下面冇抽氣扇....怕會攻落BASEMENT

講講下, 我細佬就肚痛喇....佢就二話不說衝左去下面...
之後佢上返黎同我講.大件事喇....我自己都覺得臭...好似幾日冇去...一次過清哂既感覺...
之後果個表妹係BASEMENT衝左上黎...話頂唔順!
唉, 早知係咁, 又何必上黎呢!不過我地就笑左好耐!

瀑布之旅

黎左咁多年, 大大話話都去左瀑布好多次....(次數一定比我返HK多)
其實去由多倫多去瀑布既感覺, 就好似HK去澳門一樣...
不過話哂呢個瀑布係世界著名旅遊勝地, 仲係渡蜜月既好地方, 我又真係唔介意佢幾次。
今年新年1月1日, 我已經跟男朋友去了一次。因為即日來回, 我地只係集中係裡面既玩樂區(The Entertainment & Dining District), CLIFTON HILL 玩。果度都幾多館玩, 好似摩天輪,MOVIELAND, Guinness World Record Museum, 3D/4D, IMAX movie, 同埋不同既WAX MUSEUM, 仲有D類似歡樂天地果D野啦..同埋有SHOPPING MALL, 仲有一個INDOOR既水上樂園...當然仲有CASINO 啦

經過上次一日過既旅程..今次就唔同喇...
首先我地去左HOTEL CHECK IN 先..之後我地就施施然咁去HOTEL果度既TOURIST INFORMATION 睇下有咩玩...
因為成3PM先到, 我地就用半小時, 去瀑布區附近既小鎮, NIAGARA ON THE LAKE果度行下, 果度有一條街, 有好多當地野買, 果醬, 手工藝, 都係一D比旅客既野啦....我地就兜入去SHAW FESTIVAL睇下...本來想睇套戲先走, 不過夜晚我地已經有另一個節目---睇魔術SHOW..
GREY FREWIN DINNER THEATRE..佢應該係幾出名下, 佢自己介紹自己去左L.V.做左18年...依家係呢度開左個THEATRE..
講真, 表演都OK啦...可能好多時都知果D係機關同掩眼法.所以就普普通通..
都係「美女」呀, 同埋有3隻似貓既老虎....佢時不時都會播下佢之前D 電視台既片...都應該係幾廿年前喇...
反而最好睇既就係佢D笑話.....

夜晚去左睇FIREWORK
第二日吃完早餐..我地就出發去一去賭場...係CASINO CASH OUT 左D 駛費...我地就出發去瀑布區附近既 MARINELAND!
係果度我地去左睇殺人鯨既SHOW(因為我地企得好近池邊...於是係被佢潑出黎D水兜頭淋.......)
之後我地就去左餵海豚, 仲可以親手摸下佢果隻....最衰唔比影相..
再之後我地就去左睇下海獅SHOW...再去一個叫DEER PARK...同過百隻DEER近距離接觸...
最後睇埋D海豚SHOW, 玩下D機動遊戲.....
雖然聽落好似好少野睇..不過因為樣樣野都好近距離接觸..又唔係太多人...真係幾開心呀!

補充多一樣野...
我地去既係HOTEL既CASINO PACKAGE.....只不過係$200....
有一晚酒店, FREE BREAKFAST, $20 CASINO CHIPS, 45 DINNER (THE KEG )VOUCHER!!!
仲要係MARRIOTT酒店, 有埋WHIRLPOOL...

所以都好好玩呀!

有時侯, 我會想「死了的感覺是甚麼?」我究竟於這一刻有沒有「現在死去, 也沒有遺憾」的福份。
昨晚, 跟細佬心血來潮提出這個想法, 細佬一句扔過黎, 你駛唔駛睇下心理醫生呀?
我答: 唔駛啦, 久唔久呢個問題就會係我既生活中出現。放心, 我唔會走去自殺...
咁大個人, 唔通呢D事唔可以自己調節咩?自己都捱唔過,成日俾自己情緒拖住走...太無用喇!!
不過再想「自殺」這個話題, 我這2天已經跟幾個人都開過這個話題。
其實, 我唔係好明點解這個問題可以咁敏感?可能我們唔係一個人生活的生物? 做甚麼都會影響到其他人...
又正如這裡, 我本來只係讓朋友間同自己分享既地方,不過我又將它公開, 任意讓任何人有機會去睇我想法的地方。
來得既矛盾又可笑...
我覺得我的人生都是一樣, 既矛盾又可笑..
##
細佬:我畫左一幅我自己覺得普通既畫, 不過好多人都話靚...
我, 我成日都做左一D好多人讚既野, 不過我都唔覺得特別好..
細佬: 咁即係點...
我: 咁即係話, 我地唔應該同一D 差過我地既人比, 我地應該同叻過我地既人比
細佬, 不過叻過我地既人, 又會有好多叻過佢地既人
我: 咁咪同自己比...最好...唔駛煩
##
細佬: 點解人要食煙..
我:想食囉
細佬:點解想食
我: 可能某程度上, 每個人都會想沈迷一D野, 一D所謂唔健康既野...煙只係其中一樣。

沉迷:
個人意言, 我幾喜歡沉迷的感覺...個人會實在D
寫完呢個BLOG, 發現可能我最近的問題就是: 我個人好浮...浮到...沒有東西要我找緊, 要我著地..要我將我的心放低, 要我緊張, 要我回望....
所有要做的TO DO LIST, 有意識地放開一邊...
這種浮的感覺令人無助, 想哭.....
可能我未找到一此沉迷的感覺..

徵求精靈心口針

手信...
細細個收到人家旅行的手信, 很多時都行過唔行(特別係一眼就知, 係求其臨走搵件有當地的字樣的禮物)
....算啦...人家去旅行的目的, 又不是要SHOPPING買手信給你...
如果可以有心到,旅行時想想你, 買你一件小禮物, 應該心存感謝, 同窩心!
雖知道, 買手信是一件難度高, 要花心思, 又吃力不討好的事。

我曾經有一個精靈心口針。我記得我只有這一個心口針。沒有記錯的, 是從布拉格帶回來的。
心口針很難襯衫...只有冬天著大褸時才會用得著。
記憶中, 我是收放得好好的, 因為打算好好保存...直至來了加拿大開始,我一直都再找不到它..我知道原來有心保存的, 都可以找不到。
於是偶然想起, 都會想再翻翻, 看看有沒有機會找出來。當然沒有...

這幾年, 都想再找一個心口針, 看看有沒有精靈的....
是不是真的要去布拉格一次, 先有機會找另一隻精靈...
又或者, 如果有一天, 大家見到一個精靈心口針, 通知我, 我會飛奔去領養..謝謝..

最後一天

話咁快就5月尾, 實習生活轉眼就過......
今日已經係最後一日喇......今日返工都係做埋D手尾....
出面落好大雨..大家都冇打算咁早出去食LUNCH...留哂係度
2點幾, 老細問我D野做成點, 我同佢交待完進度, 佢就話多謝我呢個月既幫手...
等陣先....我5點先收工呀..咁快同我講呢D野, 係咪代表我今日早走呢?
點知...佢叫我望望左邊, 嘩, 成張台放哂唔同既CAKE係上面....
原來頭先老細唔係出去食飯..係出去買CAKE, 之後大家開左個MINI CAKE PARTY 去FAREWELL我...
我果一刻..真係有少少淚光......太感動喇!
做到4點鐘...手頭上D野都做哂喇...本來問下DEANNA 有咩要幫手...之後佢地就話放我走..
老細同我講, 如果我唔係走..佢本來有一個POSITION 留比我做架.....
我同佢, 我會返黎家麻.等我出年畢業先啦..佢仲同我講, 如果要搵野做..可以搵佢!!!太感動喇.....
呢個月雖然唔係真係學到D咩野..因為好多野都唔係第一次做....
不過今次最感受到既係工作既感覺..要趕DEADLINE, 大家一齊要趕住整野出街...
同上一次實習完全唔同! 接觸唔同既人多左好多...
我覺得自己好幸運係呢間公司做實習!!!!
呢個月真係好開心呀!

英國之旅

為了表示我對那個MASTER COURSE的誠意, 我決定今年臨畢業前, 親身飛去英國, 讀一讀那個INTRO COURSE!加上深入去認識同睇下適唔適合自己。係未知有冇用既情況下, 我已經知道呢個係我咁大個女讀得最貴既一個COURSE。 只係單單4日既COURSE就要250英鎊。誠意真係用錢黎衡量。HK$3500 4日...即係差唔多900一日!!!!!!(係我自己既積蓄嘔出黎果下...個心都0拿一0拿架, 好彩仲係學生...大人要500鎊架)
雖然阿媽話叫我唔駛擔心錢, 不過咁大個人都要學下自己靠自己..所以我平時都會慳埋慳埋唔駛, ...(你話, 如果我係2世祖幾好呢...哈哈)
不過除左開源..最重要係節流, 我就用盡方法係其他地方都慳!
先先係機票.....個個都話係香港飛去倫敦好平...係呀..不過平極都唔夠我由多倫多飛過去平..算啦
果段日子, 人在香港..唯有用下其他方法! 本來人人都向我推介OASIS...不過最後計落都好貴, 尤其佢落機唔係落係H 機場..計下自己果D里數, 仲差少少就可以換張來回...於是叫阿媽過D比我,又補D錢...用左3千幾, 就可以出左張英航既來回倫敦機票喇!!(差唔多等於我既學費)
根據之前日本同倫敦之旅既經驗...我已經晨早上網去搵定平既B&B...點知, 一間還有一間抵....
多得同事MR. CHUCK 的提醒, 佢話FRINGE 既外國COMPANY, 多數都會住係UT(多倫多大學)。大學RES多數SUMMER都會好平咁放出去...
於是我就去搵STUDENT RES....
最後我搵左間係LONDON U 既QUEEN MARY COLLEGE既 RES....都只係3百幾鎊就可以有2星期...最重要係..有WIFI!同PRIVATE BATHROOM!睇上去好企理...本來我好想住B&B..貪佢可以識下其他人, 不過真係AFFORD唔到60鎊一晚.如果我唔係一個人去, 可能會好既!慳返D錢係OFF/OFFOFF BOARDWAY仲好啦.....(www.studystay.com)
相信如果我下次去旅行, 一定會找一些大學既RES去租....
上次日本之旅, 我用左HK$5000,搵左張來回機票加住東京同輕井澤2星期的酒店...
今次英國之旅, 我就用左HK$7XXX去搵機票同住...
(基本野七七八八, 不過我都係旅行前先慳..去度果邊, 就要駛喇!!!!)感覺好似畢業旅行...
希望加紙繼續升! 英鎊跌下啦.....
(又或者比我係HK 賺下D生活費啦!點解學校規定INTERN唔收得錢架?!!!!!)

Facebook

近日公司人人都沉迷於FACEBOOK....記得年頭同學已經叫我小心D, 我一定會addicted to facebook. FACEBOOK可以算是FRIENDSTER的變種..都是一個虛擬的COMMUNITY, 先先用自己的學校EMAIL申請, 然後再不停ADD FRIEND, 你又可以係FRIEND的FRIEND的LIST 再找你認識的朋友, 又可以在一些GROUP 內又找一些朋友...年頭NELLY 同學幫我開了一個...慢慢你會發現班上的人開電腦上堂, 第一件要做的事就是CHECK FACEBOOK.
說回公司, 因為我地PRODUCER 係FACEBOOK SET左個GROUP, 於是很多時候, 大家都會係FACEBOOK 公佈一些資料, 是一個好有用的PUBLICITY工具...例如有人因為FACEBOOK知道了FESTIVAL, 之後就打電話黎話做義工。
今日去TARRAGON 做野, 見到那些人, 一個二個都講FACEBOOK....有人更說, FACEBOOK可以係另一個TORONTO THEATRE COMMUNITY.
不過最最最有趣的可算是, 有一個GROUP 叫做3XX DUPORT HOUSE GROUP, 呢個GROUP 基本上係由住係果度既人整的, 因為佢地好喜歡那間屋, 成日開PARTY, 所以就整左個GROUP. 當PRODUCER見到的時侯嚇左一大跳, 之後係OFFICE 怪叫(其實見慣不怪, 佢成日係OFFICE 怪叫同唱歌), 因為這間屋正正係佢長大既地方, 係佢媽媽長大既地方, 亦都係佢婆婆, 公公住既地方....當年1996年, PRODUCER 的公公婆婆過身後, 佢地就將間HOUSE賣左...點知今日, 佢發現佢既祖屋居然有個GROUP 係FACEBOOK. 世界仲要細到, 之後佢有朋友既女朋友依家正正就住係間屋到.....
世界真係好細呀...

十年

原來之前的日記都POST不上來....再看看這篇有沒有緣被大家見到...近日思緒有點SUCK, 於是我這個小小的INTERN特登搵D唔駛用腦做的工....除了承受PAPER CUT之痛, 工作都很高興。說說我的同事DEANNA, 她大我3年, 是YORK畢業, 寫劇本的。大部份時間都是她安排工作給我, 還記得我跟她第一日返工, 大家講劇本, 講編劇..講電視劇, 電影, 旅行....真係咩都講...今日她跟我說, 還有唔夠十日, 我就要走喇...開始唔捨得..我都係呀! !看著她, 我就想自己既將來...
上次同FEST 既PRODUCER出去做野, 一邊行同佢傾開計, 佢問我, 係咪打算畢業之後做ART ADMIN , 因為很少讀THEATRE 的人會有ACCT底....她看我的RESUME, 初初還以為我是MAJOR ART ADMIN ...她說, 呢行需求多, 畢業找工比較容易!!我問她, 佢點解會入行...佢話佢讀書既時侯, 已經好似我咁入黎做, 畢業既時侯就自自然然入左黎, 自自然然D野做上手....好自自然然就做落去...呢D係咪朋友S話係「係行揀人, 唔係你揀呢行」?

如果可以的話

NANO

每天返工, 總會利用NANO來提醒自己下車。還記得自己第一部MP3是SONY, 那時沒有DOWNLOAD MP3, 沒有IPOD, 那個還是被MD帶領著,街上還有翻版CD的年代。當年從沒有想過要MD機, 因為心想設計太蠹吧.(可能蠢的是我吧) 要將CD逐一錄入MD機, 那麼跟一部手提卡式錄音機有何分別?!
到現在是每個人都會有一個MP3的年代, 當那容量與時並進的增大, 我的問題是究竟有沒有可能一次過聽完所有歌?!
我試過一次, 就是係PAINT SHOP 畫畫時, 連續留了幾天, 每日十多個小時, 於是我可以聽完..終於明白, 我們真是有需要用咁大的MP3

病得唔辛苦

成個星期係咁咳咳咳........不過仍然日日返工, 老細問我咳成咁, 駛唔駛休息下...唔駛啦, mentally我好hyper喎! 老細都奇怪點解咁有趣, 我日日咳成咁都仲可以好開心!!
工作上經過一輪cold call, 同MAILING(我最少打左500個電話, 寄左1000封信出去)
我呢期開始幫手做場刊排版....遲一陣子, 就幫手做跟廣告商聯絡...真係估唔到, 佢地會比我呢個INTERN跟咁多野....
跟跟下埸刊, 我發現有兩個PRODUCTION GROUP 既導演係識!!D PRODUCTION TEAM係我D師兄師姐呀!!!!!一邊(排)睇場刊,睇住果D 簡介, 真係有好多新IDEA係我個腦度係咁衝出黎.. 同事果果度係DRAMA SCHOOL出黎, 日日返去做野好似同成班同學返學咁..都幾開心架 如果佢地出年請人, 都可以考慮下..不過我係咪真係做返art admin既工呢, 定還是應該拋個身出黎做其他野呢!

天氣好好呀

天氣好好, 不過陳生每天都好努力應付精算試!!於是我就自己乖乖一個人搵節目..!
細佬的女朋友亦快考試..於是我跟細佬兩個人無無聊聊搵野做...係囉..都唔明, 明明我地兩個分別都有拖拍..不過出得最多街都係我同佢.
最後我地夾計搶左隔離屋既WII, 再向佢同學借左兩個CONTROL, 之後我地就去BLOCKBUSTER借新碟....
之後無啦啦..我地通左個頂黎打機....救命!
仲要玩到唔捨得訓!!!
不過好開心呀, 呢D先係暑假麻!
另一方面, 本來拎黎做FINAL YEAR PROJECT既果陀, 因為老師關係, 我要再搵劇本....於是跟同學NELLY傾開計, 佢問我做咩唔自己拎黎做? 係喎..於是快快就搵埋ERICA同學黎傾...如果做得成就好喇..不過自己係學校做一個演出...係一件好困難既事..(特別係大家都忙到死...)於是我就拋個波出黎, 比大家攪....
以ERICA 跟NELLY兩人既人脈, 應該冇問題!如果係我出年就有第3個SHOW關自己事喇..好野!!
好鐘意呢首歌, 特別係好心情既時侯聽, 特別好聽!

化

幾個月沒有來這裡了...
學期順利完結, 成績出了, 演出完了, 工作亦開始了...
不過整個人就好似坐住係海洋公園既過山車一樣, 車是一高一低地繼續前進, 不過在倒頭的一剎, 我的眼還可以冷靜地睜得很大, 亦可以清清楚楚看到前方/下方。
每天一早落最多人的市中心返工, 雖然工作時間好長, 不過當我每天放工的時侯, 我記得那7小時的工作, 我真的很返得很開心!縱使我每天打了100個電話, 入左200個DATA, PROOFREAD 一大堆資料, 我還能真真實實感覺到那種參與感..
Toronto Fringe Fest的規模及運作都很成熟, 加拿大的劇團在SUMMER 時大多放假, 沒有太多的演出...最活躍的就是這些FESTIVAL!

另一方面, 正在預備下學期學校演出的DESIGN, 和自己的FINAL YEAR PROJECT。
還未選定FINAL YEAR PROJECT,要快點找劇本, 我打算SUMMER 開工!今次的FINAL YEAR PROJECT是自己跟老師提出的, 可以同時當SCENIC跟COSTUME DESIGN, 挑戰性大, 又可以將自己3年學過的來一個總結。還以為這次會由一個PROF來跟...最後COSTUME 同SCENIC既PROF 都會一齊睇住我. 早早提出我不會做埋LX DESIGN, 老是覺得LX 既人用的是另一套語言,我還是放棄!
至於下學期的SHOW, 6月前交DESIGN..劇本很有趣。於19世紀的LONDON, 當時的女人跟男人人口比例是2:1...女人很難結婚.社會上有一批女人主張工作, 要參選的ODD WOMEN....這個故事就是周旋於一些要獨立女人, 一些想獨立又怕獨立的女人, 一些不想獨立的女人的故事。

更來更加迷上看劇集...Grey's Anatomy..睇完一集又會想睇多集...
現在狂煲SEASON 2...看來很快就會追貼電視的SEASON 3...
故事講關於5個外科實習醫生的故事...
看完後,你會問點解SEATTLE 可以咁靚, 醫生點解可以個個都咁靚仔靚女, 睇完世界都會美好D!
繼CSI 後極力推介...GREY'S ANATOMY..
而下一個將會煲的劇集就是HERO...
講一批有特異功能的小朋友...
不敢開始...因為會上癮...哈哈

Frente - Labour Of Love

第一百九十篇--time after time - Eva Cassidy

第一百八九篇--爛玩

經過上一星期的所謂的非人生活,這個星期不停的拉了朋友出去玩....
要知道, 當你越是辛苦去做, 更加不想回家抖..反而想出去玩!!!!
算算, 不是走去飲酒, 就是出去食飯!
星期六晚看7-STORIES...學老師說,觀眾看得開心說好了, 他們根本不需要知後面的故事, 只要好好地被娛樂一晚就好了!!
很喜歡劇本, 如果有得揀, 我真的想跟這個戲! 沒有真正地看過劇本才看演出....但我卻被劇本感動!!
話說一個女人走上一座七層樓的外牆上準備自殺....當她準備跳之際, 被那七個窗口內發生的事無故牽連下去...
一個又一個怪異的鄰居, 一段又一段詭異的事情....交織地發生在七樓外牆上!
很好看, 很好看.....
有幾句台詞很感動...
「我有七對同一款的鞋, 有七對同一款的帽, 我每天都會帶同一款..於是我已經記不起, 今天是星期幾.....」
「今天是星期三」
「真的嗎?」
「我都不知道..不過講星期三, 我地個心會好過D」

「我係度諗, 我每一日都著住呢款鞋去走咁多路...我去過咁多地方, 不過我就係永遠都走唔出呢對鞋, 我每一日帶住呢頂帽, 不過無論我諗D 咩都好, 我個腦都係同一個SHAPE...依然會係個帽裡面...永遠都唔好變」


" When you come to the edge of all the light you have,
and must take a step into the darkness of the unknown,
you must beleive that one of two things will happen:
there will be sth solid for you to stand upon,
or, you will be taught how to fly"
-Patrick Overton.

我真係好鐘意呢個劇本!

第一百八八篇--腐化..

忘了上一星期是怎樣的過, 只知每天留在房的八小時, 真真正正清醒都不知有沒有2小時之久....
我住的房不大, 不過足以令我堆積一堆又一堆的東西!
上星期我讓它們任意的在我房內發展....每天一早趕住出門, 半夜回家又盡快把自己堆在床上...沒有錯, 是把自己堆進床內....房內最常出入就的是WASHROOM與床!!其他地方我根本沒有時間去理!
說實的, 不是很很多東西要做, 而是所有要做的都很花時間..
在學校內團團轉!!很累人
周末, 只有星期日算是可以留在房..用了大半年, 把房間弄好!!!!!!
前陣子, 放於雪櫃的菜全都變了...
是全部都要扔了!!!!!!!!!!!!!
從沒有見過那麼多的壞了的食物!!!真的很浪費呀!!!
看著那些食物, 心都有點痛....

第一百八七篇--愛情最容不下的是.....坦白嗎?

I cant take my mind off you...
每一次聽到這句歌...總有一秒的心痛.

每看一次Closer, 我也會想
愛情最容不下的是.....互相坦白嗎?

第一百八六篇-夏令時間

又到夏令時間, 足足比往年早了一個月。
夏令時間代表比平日快了一小時。變相即是少了一個小時用。
為免引起不便, 較鐘既日子多數都會於星期天進行。
今日去了睇7 STORIES DRESS RUN! 美其名係去坐係DESIGNER 旁TAKE 下NOTES, ╴實際上就係跟DESIGNER 出出入入。
說到TAKE NOTES邊輪到我丫?!我又唔係WORKING TEAM既人...!
我連劇本都沒有看, 個SHOW一D野我都唔知...於是我就輕輕鬆鬆咁睇DRESS RUN.
雖然時間長, 不過跟係DESIGNER 旁, 睇佢點樣DEAL WITH 導演, 後台人員, 再睇下其他人入台會做D咩....對我下一次跟SHOW好有幫助, 真係一個好好既經驗!!
(我相信佢叫我去既目的, 都係去FEEL下有D咩做....等我下次識會點做!)
期間, 我都有被指派幫手補下野, 釘下帽...於是今日DRESS RUN時都有點點緊張...怕自己釘得唔夠實就大件事喇!

跟學校SHOW同學生SHOW最唔同的是, 所有DESIGNER 都是教過你的老師。感覺有點緊張....
(除了ACTING MAJOR的同學)學校沒有安排每一個學生都有機會跟SHOW...所以大部份的DESIGNER都是PROF自己做番....一個DESIGNER 又需要幾多ASSISTANT? 計計下又有幾多學生真係有機會做ASSISTANT 丫?今日入台, 眼見好多都係熟口熟面既師兄師姊....佢地都係一直做開某個位!! 特別係SM TEAM.....來來去去都是那班人。
DRAMA SCHOOL咁多人....除了YEAR 1 要做CREW 之外, 可能有同學讀左4年都未做過學校SHOW!
呢個問題, 其實想想下都幾悲...
於是就會有好多小型既學生SHOW出現...不過點計, 資源都唔及學校SHOW...加上大家同學都要有堂上, 都要有PAPER交...邊有可能全心全意做丫!
其實, 呢個問題又點會只有我先見到丫!聽聞PROF已經積極改善呢個情況...不過都是POLICY問題, 冇得變!
所以呢, 我覺得自己今次可以做ASSISTANCE真係好好彩!!!!!!!

幾辛苦都好, 我都要做足所有野...努力!!

第一百八五篇--SAW!

今日上SCENIC PAINTING堂的時侯, 一不小心將木條刷過手指, 一條木刺因此留在的手指頭上!
手指痛得不得不立即拔出那條木刺, 看著那隻藍藍的手指, 我只能憑感覺用手指抽出木刺!!
洗BRUSHES的時侯, 當水流過那指頭感到忍忍作痛.本以為是傷口的痛..洗過藍色的指頭, 一條小小木刺完完全全埋入指頭中!
左看右看,按按它, 又不覺得太痛..
同學說, 你可以留它在這裡, 痛一陣, 之後身體慢慢會接受它....
我不想這樣! 我要親手用自己方法去拔出這條令我很不舒服的刺!!!!!!!

於是在傷口未痊癒前, 我決定要盡快自行開刀取出木刺!
先先, 用縫針挑起那些死皮, 之後就用力"滋"出黎...不過因為木刺太留戀我的手指!於是我決定"界"落去!
當我用針慢慢"界"開, 再挑起, 重覆動作, 好痛好痛..我相信一定痛過把它留在指頭內!
當我用針"界"開指頭, 嘶一聲的剎那,
我在想, 這條不夠1MM的木刺, 點解要插得這麼深...
逐層逐層皮慢慢"界"開...每界一下, 就把它推出來...
要自己親手切開自己的指頭是需要很大的勇氣!不過我不敢假手他人, 這種事自己來比較容易!
想起SAW, 要自己切自己, 才可保存生命...想起都感到一點寒!!
自虐真係需要好大既勇氣!可能是我從未體會到自虐是享受的層面!

第一 百八四篇--SNOW STORM

3月仲有SNOW STORM, 出面仲要成呎雪!!夜晚聽住冰雨打住窗咁訓,成個天都係紅色, 好恐佈!!
原訂星期五返學校都唔得.....留多這裡多一晚!
Snow Storm當然留係安全既地方,跟細佬留在K房.都說學中文, 最快就係去唱K
之後回家路上我們玩飄移!!!
這個READING WEEK, 根本就冇READING過.... 跟精靈的表姪女玩足成星期.....希望下次出黎佢唔會唔認得我啦!這個星期, 見表姪女多過見男友....好彩陳生都很喜歡跟表姪女玩!!
本來想返舊公司探同事....出面咁大雪..都係下次先..
回到學校, 應該有排忙喇...因為我一樣野都冇做過!YEAH!返去要跟戲!!仲有就係一份一份的PAPER....還有...一樣好緊要的, 就係搵果個新黎的PROF.....(寫係度提下自己先..)
給吹時的劇本一點意見後...很期待!!!最最期待當然還有周生的演出!!寫一個劇本要由零開始之後再一改再改..係會越改越灰!! 不要灰心! 努力呀!!

第一 百八三篇--電影

看了很多的電影, 先是23後是THE MESSENGER.
因為曾經去YAHOO.CA被那BANNER 吸引到那個電影網頁。
入場後才知, 原來是彭氏兄弟作導演....
戲的頭一半真的好驚架.....有點見鬼的影子!
不過當開始鬼走出來的時侯....一切都變得沒有想像空間。
從來鬼片都是自己想像出來, 又或是未走出來先最恐佈....
結局都是那些鬼回來要報仇的故事...驚嚇不足, 都是那些有佳句之作....
於是很鬼片都是看日劇同韓劇吧!
NUMBER 23, 占基利是我入場的原因, 還有那張POSTER!
完全不知故事內容的情況下入場.....因為HK未上畫, 我又唔想講咁多...
故事結尾係有點兒意料之外, 真的是很少很少....
係果種出場既時侯, 你會講一句....O..KAY....哈...果隻!

看<<放逐>>, 頭15分鐘, 我熄了機...
我問在旁的細佬, 下, 個電視大聲D啦, 我都聽唔到佢地講咩..
細佬話: 唔駛啦, 佢地講咩唔重要
我: 下..唔重要....
細佬話: 係呀, 個劇本都唔重要
我: 咁睇咩...唔駛睇啦
再睇睇頭15分鐘果D SHOT...
對唔住..我要轉碟

看<<梁祝>>舞台劇DVD
原因係HENRY LAU做COSTUME, 話哂我都有買佢DESIGN既衫
頭一小時, 除了TONY 同蝦頭既爛GAG.....我真係覺得....冇野麻..邊個同我講好好睇架?
唔知係錄既問題定係咩呢....
先先覺得...有D 跳舞位咁1941既
頭頭覺得...點解所謂既愛情論要係一開頭咁快就懶係有野講哂出黎架...唔好玩啦...愛情小說咩..邊個寫架個劇本!頂!
之後覺得...點解D 演員做戲咁唔得既(聽聞那個男的是舞台界都好似好受歡迎架喎...)
接住覺得...點解D 燈成日都照唔到D 演員既(會唔會又係錄既問題)
慢慢覺得...點解個戲推進咁慢既..明明我地都大概知果戲講咩架啦..快D 得唔得!
成日覺得...係咪個台太大..佢地壓唔到呢....定還是調度有問題?
一小時, 我真係睇到頭都大埋! 於是我又熄機!

第一百八二篇--很想..忘記了

由上一篇到今日, 我記得我有幾次很有衝動寫這篇日記, 都現在要打, 我都忘了...
近來很多時都把事情忘記, 特別是那些我想記得的。
可能回憶太重, 而我沒有能力把所有一一記住。
以為這裡可以幫到我, 到後來發現要走時甚麼也不能留....
又開始明白自己對自己都不能完全控制。
那天晚上, 跟朋友一邊飲一杯好甜的長島(真的甜到, 甜到我要問這真的長島嗎? 還是你真的給我一杯冰茶)一邊談論愛..
近來的這些日子, 我深信愛只是一個情緒的發洩.是完全自私自我!!!
不要說你有幾愛佢,你只是忘記你曾經計算要投注多少在這個人身上, 而得到最理想的回報。
變了淡了,不要跟我說甚麼愛的昇華,從來情緒都只有一時之意..過了就沒有
所有關愛的問題, 永遠解釋不到, 不要問, 只要信, 不要問, 只為愛..
愛可以解釋一切, 就如我認為醫生斷不到症就說是CANCER一樣!解釋不了就為愛
愛可以有幾偉大就幾偉大, 因為大家都將愛捧到很大很高...
究竟點解要愛..就正如肚餓要食飯一樣, 都係滿足自己即...
WOW...以上的一番冷靜又偏激的言論.... 是出自我..
是出自這一刻仲可以懶冷靜的我..
愛真的好深..我認為大學應該有一門學科主修愛....
應該是誇科, 可以是ART, 可以是SOCIAL SCIENCE, 也可以是SCIENCE

就是那天晚上的一杯冰茶...
I said, I cant cry for it anymore..
enough....

第一百八一篇-scenic painting 5

今次係比左張紙等你自生自滅的WORKSHOP!
果張小小貼係FLAT的小圖就係我地唯有可以跟既野...
用左我5個鐘!
唉....又係藍色..都唔明比左$60, 都唔可以揀下顏色?!
呢個圖, 我覺得自己畫得好靚!
我係DRAMA SCHOOL學的...要識得欣賞自己的作品!

第一 百八零篇--scenic paint class 4

呢堂學REFLECTIVE...
唔好問我呢個係咩野黎..我都唔知呀!
學多樣野, AS 一個SCENIC PAINTER...你永遠唔知DESIGNER 果D係咩黎..LOL!
唔好問我點解係藍色..因為係阿PROF比PAINT我地...
用手FREE HAND晝的..差唔多啦!

第一百七九篇--scenic painting class 3

這堂學畫木! 今次只用了3隻COLOR就成...好易!!!!!!
木紋又像...唔明點解上年學另一個方法難好多?(之前我地要用黑色就條木紋畫)今次只係用左一枝BRUSH..WASH METHOD!

第一百七八篇--腳很痛

今早被風吹醒! 很凍............
本想一早回PAINT SHOP, 不過最後都係LUNCH完先去!
回到PAINT SHOP...見到NELLY, 全個SHOP冇人..NELLY同我講, 佢只係2秒前LOCK門...於是最後我跟了她去COFFEE SHOP飲COKE!
跟她說了我的劇本, 她很喜歡, 很有PICTURE! 看來我真的要趕快起個英文劇本給她看!
呢期好開心同同講遲D去LONDON 上WORKSHOP...我要重申是 UK 的LONDON!
我今日先知原來呢度除左FAKE LONDON, 仲有一個FAKE PARIS, 還要是在隔離...
我地學校都有FAKE EGYPT...幾時有FAKE HK?

第一百七七篇--出EGPYT記

星期三, 以為外面的融雪可以代表一切的我, 竟然被那片冰滑倒在地上! 好痛!!
一早去了拍片, 那個沒有頭沒有尾的SCENE WORK, 跟同學CARA 埋位前對一對劇本, 發現同學喵LI 跟AMEN排的是PROOF!正是我ACTING 1 的SCENE WORK!還要是同一段....從CONTROL ROOM 看著他們, 哈..感覺很奇怪! 不過她們D戲得太急喇!之後輪到我跟CARA, 先先TA CASS跟我講BLOCKING.之後導演來跟我們逐句逐句分析劇本...其實談不上分析, 是他逐一問我們每個LINES的動機...生吞一堆資料..
這次我的角色是一個有DRUG PROBLEM,又亂帶男人返屋企, EVEN佢地個名都未知 又想紅的一個BAND的主音, 我家姐係一個好紅民歌歌手..以我就覺得佢唔信我...係啦..都係果D關係啦...最後又一是1 TAKE過..勁開心...

下午堂, 睇戲堂..睇戲前後都是那個不知所謂的PROF....我跟DAN於班房內MSN...傾足成堂! 不過佢只係坐我後兩行
於是我同佢扮TAKE NOTES, 不過就係MSN傾計, 最大件事就係...我同佢都要忍笑, 等我節錄一D野先
Daniel Pike says: (5:10:39 PM)
University shouldn't be this wreched
I seriously think something is wrong with this planet
Daniel Pike says: (5:11:13 PM)Why are classes this terrible?
Daniel Pike says: (5:11:26 PM)Where did they find this lady?
Yvonne says: (5:11:41 PM)may be she come from egypt
Daniel Pike says: (5:11:42 PM)She's the worst professor I've ever had
Daniel Pike says: (5:11:46 PM)HAHAHAHAHAHHAHAAH
Yvonne says: (5:11:57 PM)I can see pyramid
Yvonne says: (5:12:02 PM)mummy around her
.Daniel Pike says: (5:12:07 PM)I can just imagine her sitting next to the Sphynx
Daniel Pike says: (5:12:18 PM)Emptying the sand from her shoes
Yvonne says: (5:12:48 PM)O...I can smell Egypt near me
Yvonne says: (5:12:53 PM)so hot
Daniel Pike says: (5:13:02 PM)Smell that salty Camel poo air!
Yvonne says: (5:13:32 PM)this trip will be end in 5 mins
Yvonne says: (5:13:52 PM)smell your last salty camel poo air~~~~~~~~
Daniel Pike says: (5:14:43 PM)Want to hear a Lymric I wrote?
Daniel Pike says: (5:15:24 PM)
There once was a girl named Rebecca,
Whom would pilgramege yearly to Mecca,
But she found that her shoes
Troad in Large camel poos
That FOUL young girl named Rebecca
Yvonne says: (5:15:58 PM).......
Yvonne says: (5:16:43 PM)next time, you should make one withvirdi
Daniel Pike says: (5:16:48 PM)MUWAHHAAH
Daniel Pike says: (5:16:51 PM)I just might
Yvonne says: (5:16:52 PM)with the name of virdi.
Daniel Pike says: (5:17:03 PM)I could ryhme lots of things with "Virdi"
Yvonne says: (5:17:11 PM)good
Yvonne says: (5:17:14 PM)waiting for it
Yvonne says: (5:17:32 PM)I am so excited.......in virdi
Daniel Pike says: (5:17:36 PM):P
Daniel Pike says: (5:17:40 PM)THIS CLASS!
Daniel Pike says: (5:17:41 PM)UGH
Daniel Pike says: (5:17:43 PM)IT NEEDS TO END
Daniel Pike says: (5:17:51 PM)WE ONLY HAVE 2 MINUTES AND I WANT TO DIE
Daniel Pike says: (5:18:49 PM)Thank GODS class is done

打緊日記的同時, DAN跟我說, 他昨晚發夢見到Sphynx.....
Poor Dan

第一百七六篇--慌

現在是早上的9:51。本應是1000上堂的我, 又是因為我的姓, 可以容許我醒來的時侯先去背劇本!現在打日記, 食完早餐先去拍野....
很想記下每天做下的事, 不過想想..還是放棄吧...如果可以我希望可以記下的是我的心情, 不是事情.....
同學說我比上年開心了很多....真的, 因為不再介意那個GPA的話, 大學生活又可以有幾大壓力?
還有個多月, 這個學期就正式完結....餘下就是最後一個學期。
因為今個學期種的因, 我可以預見最後學期的那個果..
不過沒有太多的大吉利是, 我還是可以順利畢業..因為這是我用了精神緊張的兩年換取的....
輕輕鬆鬆上下堂又一DAY...沒有MIDTERM, 沒有累人的PAPER....只有影下相, 畫下畫, 做下戲.......
我開始相信, 我己經從那犯太歲的狗年走出谷底, 看到那清清的藍天....
例如繒景, 對著手上那張圖, 有同學會逐格逐格, 算左算右去晝...我就是聽著音樂, 打著拍子,MARK了幾點,之後就FREE HAND去晝...
我愛死我那些用心做的功課...不是自大的表現, 而是要別人愛你的作品, 你先愛自己...
我愛我的作品, 也希望別人都會有機會愛上它們!因為我是用心去做的.
於是我都會愛上生活, 因為我是用心去活的!

第一百七五篇--新年

在送狗迎豬的前的3星期, 我病了
PATTERN是先傷風, 食傷風藥..好了幾日...又頭痛, 發燒..食頭痛發燒藥, 好了幾日...之後就咳喇..之後又咳左幾日!!
外面既天氣就好差, 好凍...完全跟我那個身體相映成趣....
最後終於好返哂喇! 健健康康的迎豬年..
在接近年三十晚跟年初一二的日子, 朋友都紛紛發賀年祝福..不過, 究竟那一天才是年初一呢?
新年前, 要起一個故事大綱。拖到最後一天先肯寫...
今次先在筆記簿上手寫, 在打入腦.
韓國同學夜深約我BUBBLETEA,,一邊聽著BUBBLETEA SHOP播的古巨基歌, 一邊講解劇本給他...
一黎就比佢串我永遠只會SEND MSN, 死都唔會打電話比佢....佢打親比我, 又搵我唔到...
死穴來的..唯又轉話題!次次同佢出黎吹水..都好爆笑..可能大家都係ASIAN, 又讀埋同一科...真係佢睇我, 我睇佢!
最好笑就係一個怕高既人走去掛燈, 一個唔太識車衫既人走去做衫! 呢個SCHOOL真係錯哂架!!
很期待跟這位同學的合作!我會記住得閒打比佢!

看看自己的TO DO LIST, 沒有太多死線...
於是看看那份星期三拍的劇本...唔係好識解..
" XX's left with a hold in her stomach...."
好彩有阿DAN.....佢好詳細解我知...
劇本分析好難..尤其係冇頭冇尾的SCENE WORK!

沒有心情做事.....明天要努力!

第一百七四篇--靜電

今日一早返PAINT SHOP。PAINT SHOP真係危機重重..加上出面成幾吋雪!
首先係我進入PANT SHOP門口前1.5米範圍, 第一步踏上聽到啪一聲, 望一望距離門口全都是冰....
其實仲有另外一個門口...不過因為太凍..打算博一博...於是我慢慢行, 點知第一步已經滑左過去..好彩捉得實度門...唉!好彩

不過去到LOCKER, 當我除件雪褸既時侯, 件雪褸一觸及部NANO, 我兩隻耳仔經耳筒即時觸電....
好驚呀!嚇死我丫...我黎唔切反應, 見到NANCY同個學生出果個門口, 一開門, 啪啪...跌低左2個...

之後係PAINT SHOP, 當我好入神咁畫畫..點知當我打算轉身, 我差D比同學之畫筆一野

行返RES既時侯, 打算等燈過馬路啦..點知等到過去..我呆左!
D 雪係去到我個KNEE!!!!!!!於是我就扮一架車咁行係路邊!
真係好驚險!

病仲未好返.....繼續食藥..訓覺!

第一百七三篇--呢個冬天幾時過呀?

出面好大雪呀!昨天同學L車我返學的時候, 我望望天, 講左一句好似對白的說話: 呢個冬天幾時先會過呢?
雖然身體不是太好, 不過我的精神都不錯...所以都不要太擔心!

近日浸在四人遊之中! ITUNE單一放著這首超過過多小時!很喜歡那種每天只放著一首歌的感覺!特別是這首歌很有星期日下午無所事事的感覺。

跟姑姐傾了一通電話,說說她那個30-2天, 我提議的接觸太空人都不被地下長城更吸引姑姐!於是她簡簡單單說的故事, 還我想起我6年前寫的一個劇本...看看自己那個FOLDER, 演出過的劇本都只有4個!產量少得可憐!猜情尋是參加比賽的..只有半小時, 情慾料理又是大半小時, 楊修之死, 有沒有1小時呢? 易卜生又是1小時....原來我是未寫過一個個半小時的戲...甚至到我最新執筆的, 我都覺得個戲如果去到個半小時會唔會太長呢?
呢句說話會唔會嚇死ee呢?


訂了機票,打算8月去倫敦半個月...主要目的就是去上那個 收我250 POUNDs只上4日WORKSHOP!
不過仍是滿心歡喜的去, 最少可以係我決定讀考那個MASTER前, 看看究竟是甚麼東東..

情人節, 陳生沒有把自己打包寄給我,於是正日一個人浸在四人遊中過...
其實都好的, 如果他留了, 我一定會甚麼都做不成...


近日心情真的放輕鬆很多, 可能是認定自己下一步是甚麼, 於是我就不會太著緊現在的成績了!
以前唔知自己可以做咩, 於是就博命讀書..現在反而放輕鬆, 去PREPARE我下一個MASTER...
2007年, 真的清明了很多, 最重要是清明了自己的心

第一 百七二篇--好RELAX的一個周末

終於病好....我既身體好似外面的天氣一樣...開始回暖...
今日出面已經去到-9喇!!
真開心...
今個星期沒有特別重要的事要做, 於是做了一堆的預備工作...
準備下一輪的血拼死線..
多謝同學L 不停的專車接送服務,令我好得咁快..
當然, 還有救我一大命的太平芝麻梳打餅! 現在我一定有一包隨身帶!

(未完....待續)
好唔妥..下次都係唔好寫未完,
上星期尾的日記, 身體隨著天氣回暖
這個星期頭, 我由隨著天氣的惡化....去到第三期的病...就係咳喇...
斷斷續續的病...天氣就由-9 去到-29..

第一百七一篇--頭痛左一日

病左都好似成個星期.今日去到食唔落野...都唔知係食唔落野定係冇時間食野..
唉..有時想食..不過一想起那些食物..真係咩都唔想食!
於是同學L的太平芝麻梳打餅救了我一命!

今日十點上TV PERFORMANCE....仲以為自己遲到, 點知我係最後果GROUP人.
頭好痛,沒有說話!眼好痛,不過要帶CON(因為要連戲..)
今日補返D CLOSE UP...先先拍我PARTNER...之後到我! TA話你想一黎就拍定REHEARSAL...
我呆左...當然要REHERSAL 啦! 導演話, 係啦...REHEARSAL一次等我睇下先..
點知REHEARSAL果2次唔係執我戲...而係執我個PARTNER個胸個位...佢次次都BLOCK左我個位...
之後都係一TAKE過!
打算死返去食D野, 點知同學打黎叫我去圖書館..一齊溫MIDTERM...

考MIDTERM前, 我食左個PITA PIT...之後就好想嘔..(其實我知如果我再唔食野..我會死)
我唔明點解要睇完戲先考,我個死人頭已經好痛....我用左15分鐘做完份MIDTERM, 即刻走人!
一邊行一邊想嘔...出面又凍...
我覺得有點暈既感覺...我好後悔我去食左個PITA PIT, 我應該走去食藥!!
之後昏迷左幾個鐘...
醒左個腦仲痛...
好辛苦....

點解出面成-廿幾度.....咩鬼地方來的!

第一百七十篇--Photography Assignment 1--Windsor

這是我的功課..因為我懶, 只是用手提去影我沖出來的相..
所以比較模糊一點!

Khalil Fong 方大同 - This Love 愛愛愛

太感動喇....我整左好耐終於比我整到喇...所以我就放我呢期日聽夜聽的歌...
最最鐘意係個前面10秒既音樂..

在　哪裡記載　一個桃花賊
誰在　哪裡典賣　第一枝紫玉釵

我在　這裡見怪更怪
見過電影裡面人家看海　更想去看海
唱過人家的愛　更想找愛
你哭起來　我笑起來
都為了　愛愛愛

有一天翻開辭海找不到愛
花不開　樹不擺　還是更暢快
愛　還是會期待　還是覺得孤單太失敗
我愛故我在

找到愛　幸福的人　肯不肯躲起來
正在　寂寞的人　能不能站起來

我在　這裡陪你無奈
讀過小說裡面人家等待　更習慣等待
唱過人家的愛　更想找愛
你喊出來　我靜下來
都為了　愛愛愛

揮不去滿天滿地的塵埃
買不起滿街口袋的品牌
你悶起來　我傻起來　可以愛
會不會整個時代只有一個告白
誰不愛過不存在
不明不白　不分好歹
都為了　愛愛愛

第一百六十九篇---出面陽光普照..不過係-31度!

終於的起心肝打日記,
等我記下最近發生的事

不知是天氣定還是那個黑房, 我病了.....
病唔代表可以抖...

跟SHOW, 第一次感覺到真的似真係做野
因為DESIGNER星期三先通知我星期五1300要同導演開會,仲要預備哂所有野...
還記得星期五一早0800返學, 之後同DESIGNER預備哂所有野到1300...我地係OFFICE只係食餅乾當飯..
哈哈...果種並肩作戰的感覺..都真的很開心..
跟住DESGINER去開會, 又邊到我出聲丫, 我只係負責PREPARE 好PRESENTATION的東西...同傾下閒計
完左MEETING, 走去果台睇今個SHOW既SET...APPOINTMENT OF DEATH。成個景係自己畫出黎咁制..等我有機會影D相出黎睇..

DESIGNER同我呻佢依家做緊個SHOW同導演既野..佢想堅持, 不過個導演又唔OPEN MIND.再講DESIGNER下一年續唔續到呢個教職, 就取決於一個委員會, 呢個導演就係其中一員..佢係ACTING既PROF, 我唔識佢...
不過見到阿DESIGNER 對住我都喊哂口 I REALLY FEEL BAD TO HER

好彩, 我地個SHOW既導演好好, 佢係一個三十多歲的年輕導演..算得上是我的師兄。這個師兄開了一個STUDIO專教D 小朋友考入DRAMA SCHOOL...

就說, DESIGNER 贊成我將個頭染做鮮紅色.....哈哈...

講完個SHOW, 就講下我讀書..
幾日後, 那科電影美學就MIDTERM..
基本上是教你點睇戲, 點做評論, 不過讀讀下, 有點似教你點寫劇本...
每堂3小時, 果PROF可以用半小時去講成個CHP既書, 果個CHP既長度係我好快睇一次都要成2小時..(我冇CHECK DIC, 我冇 DROP NOTES既情況下)之後就係每堂睇一套戲!

TV PERFORMANCE, 真係HEI到唔可以再HEI
我除左背劇本外, 又冇MIDTERM, 又冇EXAM, 每次返去就係拍野...
又唔駛EXTRA叫PARTNER出黎排戲...(因為佢地話喎, 出黎拍野好似會比你有時間排戲, 要學識自己攪掂, PREPARE好, 做好角色同劇本分析)

SCENIC PAINTING...沒有太多野好講....

PHOTOGRAPY, 呢科好好玩,如果ART SCHOOL唔好咁遠比較好一點
感謝會車我的G 同學及L 同學....
因為成日都要等的關係..成日係ART SCHOOL留連識到好多人...
我地呢D COMM STUDZ學生班上只有7人....至於我先先比人誤會我係FINE ART STUDENT...
之後就比人話, 其實你都真係好DRAMA...因為當我等到唔耐煩既時侯我就會唱 lalala FIVE HUNDRED TWENTY FIVE THOUSAND SIX HUNDRED MINUTES How do you measure.....

仲有仲有一樣:
呢期好鐘意方大同!!!!!!!!!!!!!!!!!!
誠意推介

第一百六十八篇--相

上次朋友AMANDA叫我UPLOAD 一D 雪景...
唉..好啦....等我影少少...(我呢排聽到影相都驚!)
同場加映那個令我短幾秒命的PHOTO LAB

第一 百六十七篇--Scenic Painting Lesson 2

基本上係用第二個方法去晝MOULDING....
哈哈...下星期晝木喇.....

特別篇---你與我的..

各位在看這個BLOG的朋友(雖然我唔知道有幾多人睇? 不過有時間黎既我都當係朋友喇!)
我這個特別篇是為你地而設...想你地一齊跟我參與
大家想一想一個我跟你們一件往事/回憶...
事無大小之分...只要一定要我跟你一起發生...
留言在這裡吧.
如果不便公開姓名..說留一個我知道的NICKNAME吧
(如果你想我覆你既...可以留埋你個日記LINK...又或者我會係呢度覆)
如果我們是不認識的, 那麼你就選一個你對我最深刻的一個印象/日記丫!
希望你地覆我啦!!!!
我都想統計一下有多少人來看BLOG

WOW>>>>
GET START!

有朋友唔明:
例子一,
我與你在1999年去過一個根本冇路上既山上面植樹!

講起呢個, 我真係咁大個女第一次去植樹..
果度負責人講, 其實好多植樹活動係做出黎比人去參與下
真正有需要植樹係一D冇人去既山頭...
即係要爬上去果D...
植樹活動果D地方, 係人都去到..根本唔難
當然啦..果D活動只係想推廣一下即....
果日係我1999年生日, 分手後第一日.....
記得前一晚喊左一陣就訓左...第二日生日就上山玩左一日!
基本上一齊去的人, 一個都唔識!
哈哈....分手去植樹..我都覺得自己好勁

第一百六十六篇--錄影

星期一不用上學, 不過我還得回學校辦點事。

因為今日應承了朋友當演員, 早早的回DRAMA BUILDING門口等另外一個演員一齊入STUDIO 拍。
遇見同學ERICA跟同學CHRIS...基本上大家都是在等.., 她們在等上堂
她們不停數美國有幾多個總統, 幾多個STATE....
之後就係ERICA講她一家人在美國的奇異經歷...說美國人是如何STUPID.....(經歷太長...只知有些美國人原來不知道加拿大在那裡...哈哈)
還未聽到結尾..我就要走了...

今日要拍的大約是一分鐘的訪問片段。
最後我們錄了整整2個鐘!!
基本上, 我們都是2 TAKE就好了, 不過很多時侯都是等...等....等....。
雖然很累, 不過我們這兩個「演員」都沒有擺出一個很累的樣子, 要不, 導演及其他工作人員會不太好受...
於是我就不停跟其他工作人員傾計!
看來我的無聊吹水能力都大大提升好多!

回家頭很痛, 又是忘記帶帽! 如果出面下雪, 又唔記得帶帽既話, 就出事了!!

第一百六十五篇--解夢

這個第一百六十五篇有點詭異, 至少這是我第4次寫了。
開學的2星期總算穩定下來, 日常生活的軌道都開始運作得不錯。
每天從房中看著對面的那一條河, 己經有冰塊在浮動。每次在看, 感覺都像在北極。
灰灰的天, 白白的雪, 這個1月22日的星期一下午, 我開始打起的PAPER。
資料已經預備好, 留待今晚努力!

伴隨著我的MAC BOOK,是一堆劇本....
同學找我來當紀錄片的女主角, 她的DOCUMENTARY是以留學生為題。
跟導演見面的那天, 她問我, 有沒有一些說話及不公平的事想講...
我想了想....又真的沒有了..這2年半的留學生活都好充實!
唯一要說的, 都是第一年的不習慣...
導演換了人, 她說我太幸福了
於是我由女主角變成訪問者....哈哈, 仍有出鏡的機會!

鄰居C 患了思鄉..說實在是童年陰影。
旁人不會知道影響有多深, 我只想說,問題你不想解決, 沒有人會幫到你解決...
在這個國家, 整天留在家是會有問題!!根本會由沒有問題都會變成有問題!
出外走走, 吸了一些有雪的空氣...
大學生涯過了就沒有了, 青春也是。
或者我一直希望自己有一個老了也可以有過去跟別人分享的一個大學生活!

快樂從來都是一個選擇...

今天我看見社區中心有一個解夢班...有趣!

第一百六十四篇--有些東西要在我的頭腦中衝出來嗎?

有一句在我腦中/夢中常常的說話, 我決定找回這個答應過我會陪我醉的人..
找到T, 通了一個一百二十二分鐘的電話, 我簡短地把我這幾年的事來一個簡短的匯報。
說甚麼情長, 原來再複雜的故事都可以用幾句把它畫上句號...
從來覺得T跟王小姐給我的感覺很像...
當T說得出我喜愛的顏色, 那種窩心的感覺令我樂了一晚。


晚上看到好友的女友的日記, 嚇了一跳...
答應我, 事情未去到最糟, 都不要輕言放手...
因為要我對著一個分了手的你.....WHAT SHALL I DO?

再畫一次, 上次上堂畫的要即時油掉, 之後是自己再沒有任何人帶著去畫多一次!!!!
我覺得今次自己畫得好一點

第一 百六十三篇--SCENIC PAINTING LESSON 1

這是堂上畫的。
在2D 的版上晝出3D的 MOULDING(我仍是不知MOUNDING 中文是甚麼)