最後一天

話咁快就5月尾, 實習生活轉眼就過......
今日已經係最後一日喇......今日返工都係做埋D手尾....
出面落好大雨..大家都冇打算咁早出去食LUNCH...留哂係度
2點幾, 老細問我D野做成點, 我同佢交待完進度, 佢就話多謝我呢個月既幫手...
等陣先....我5點先收工呀..咁快同我講呢D野, 係咪代表我今日早走呢?
點知...佢叫我望望左邊, 嘩, 成張台放哂唔同既CAKE係上面....
原來頭先老細唔係出去食飯..係出去買CAKE, 之後大家開左個MINI CAKE PARTY 去FAREWELL我...
我果一刻..真係有少少淚光......太感動喇!
做到4點鐘...手頭上D野都做哂喇...本來問下DEANNA 有咩要幫手...之後佢地就話放我走..
老細同我講, 如果我唔係走..佢本來有一個POSITION 留比我做架.....
我同佢, 我會返黎家麻.等我出年畢業先啦..佢仲同我講, 如果要搵野做..可以搵佢!!!太感動喇.....
呢個月雖然唔係真係學到D咩野..因為好多野都唔係第一次做....
不過今次最感受到既係工作既感覺..要趕DEADLINE, 大家一齊要趕住整野出街...
同上一次實習完全唔同! 接觸唔同既人多左好多...
我覺得自己好幸運係呢間公司做實習!!!!
呢個月真係好開心呀!