第八十六篇--彩虹

工作--
最後一分鐘先完成, 都沒有機會讓自己可以重頭讀一次...其實自己都不敢再讀一次。
彩虹出現了...至少我可以知道自己仲有機會見到陽光。
最supportive既係ASM美孚走過來說的話。講真, 想喊。

萬和-
係萬和(舊公司附近的茶餐廳)等阿bee。侍應行左幾次黎,好似好想同我講野, 終於佢都係行過黎,
佢問:你.. 你真係好熟口面喎!
我: 係呀.(唔係呀, 咁都記得, 我最少都有3年冇黎過喎!)
之後佢好興奮咁講: 係喇.你係阿bee既朋友...
我:哈...係呀(佢咁講有3個可能性, 1. 佢真係有記性..2. 阿bee冇乜帶朋友去. 3. 阿bee冇乜朋友)
之後佢又繼續問: 阿bee 呢...佢唔黎既.

去到呢個位, 又出現第四個可能性, 阿bee可能已經好耐冇去。
我: 哦..係呀..佢做緊野, 佢叫我黎等...

最後行去找數見到老闆(好似叫大哥雄...又似又唔係..仲之係萬和老闆)
佢同我笑一笑, 仲要收平我!!
呢一刻,又出現第五個可能性, 阿bee可能有份入股。所以佢要我係度等..


X-Men-
終於看了X Men.在差不多通頂的情況下, 雖然很累。不過仍然好想去玩。我已經唔想回家。
返黎香港成個月, 大部份都要留在家做野。好想抖抖氣。

朋友全程都好似好累...
我雖然都好累, 不過咁樣dead air法又真係好odd喎..於是我都要搵d 野講
又或者係咪我真係咁悶, 所以悶親佢。真係冇咩野講。
早知大家早d各自返去抖下啦!
睇完套戲, 套戲又悶喎....
食飯時, 我真係有諗過..我地係咪揀錯日子去睇戲呢....
好耐冇試過, 同朋友出黎食飯睇戲個場面係咁odd....已經唔係成日見同傾計架啦...
係唔係真係我有問題呢... 如果係..真係辛苦哂! 可能佢已經想講: 錯哂!

所以在此呼籲一d仲未見我既香港朋友。
為左大家著想..大家麻煩諗定一大堆話題先好見我....唔該
因為我可能已經變成一個悶蛋。辛苦哂各位!

陳醫生--

陳醫生呢期有點悶, 想找我陪下囮痚�: 點解搵我, 唔搵你果個。
陳醫生: 千祈唔好..搵到佢, 比佢知我得閒, 我就會變得好唔得閒
我問: 咁咪得囉。

綜合陳醫生既理論: 男女朋友都只係好似係Pet.開心可以帶出黎玩...唔開心又佢自己去玩。
附加二芳解釋: 不過咁做, 都要負責照顧對方一世喎..

第八十五篇--工作

工作--繼續..基本由起身都一直死去開返個電腦。由零開始, 白紙一張再努力。不過我開始明白甚麼叫讓角色自己成長..原來真係可以有咁虛既野出現...真係有鬼!

出面個天好灰.我關閉全屋既門窗, 不停播住天使愛美麗的soundtrack..
對係個腦~~

陳醫生打黎話去我家坐.結果佢真係黎左我屋企齋坐..而我就係度繼續開工...

第八十四篇--打破

首先, 我現在基本上整個人可以已經全完被他佔據。所以基本上我對其他事的認知，分辨能力可以是等於零。

討論中, 我發現我聽得明佢地講咩, 不過我完全係唔明佢地想做咩? 不過佢地多次重申那故事大綱很「勁」?原來寫得出很「勁」的故事大綱, 不是代表你可以寫得出很「勁」的劇本。
我拖著一大堆問號, 問題離開他們...其實我想問, 不過我真的唔知可以點問。
說真的, 我沒有太多的激動..因為我根本沒有時間處理自己情緒問題, 我只想快些明白他們究竟想我點樣?究竟佢地見到我有咩問題?

跟家人食飯...一年都不知會見多少次。飯局少不免討論鄉下的家產分配甚麼....看得出大家所持的理由是甚麼，也看得出是性格還是甚麼。席上提了公公三次。每次提起, 我會想, 如果他在這裡會怎樣?
沒有食太多..因為根本沒有胃口....主要我已經分不清是甚麼事...

回家路上, 一直都諗問題, 一直都諗...
決定回家看多次那個係加拿大寫的故事大綱。回想我寫故事大綱時的情形...好似係上緊Theatre History

冷靜d再想, 打比導演..再傾.再想..再傾...原來我一直跌入左一個trap.
我終於明白佢地所講既問題...我亦都被建議去點做

太累...決定明早繼續...
不過睡不到..最後阿媽建議叫我食藥?..再一粒...不是安眠藥..是抗抑鬱藥..最後一次
明天,睡覺前我不會再靠它

第八十三篇--等候

不停和朋友相聚...每一趟我也很樂意做一個聆聽者。不論能否解決他們的問題也好，苦水吐過, 生活也要繼續, 問題也要繼續下去。不過他們也是滿意的。他們會知自己問題不是一朝一夕可以解決，在等待一個轉機的同時, 也要找人吐吐..才會沒有太多的壓力。

今日腦中有不斷懸浮於半空的手手腳腳個別跟人做對手戲..由腳開始, 最後都頭...不過未發到頭, 就要上車了。哈.我要一邊行街一邊腦活動。所以基本上我是看不見街上有甚麼人。一邊發夢一邊行街, 有時都怕我何時給車撞死。

劇本-再一次看我那2稿, 重覆看那一稿.....終於有點頭緒可以如何併合。

晚上, 香港的好處是就算沒有車, 都可以將我3個好朋友的距離縮短..至於,我可以用15分鐘就可以飛去觀塘吧...

Godiva,
Strewberry,很久的點子, 多年前已經懂這些小玩意。請給多點心思
有時還想, 如果我可以吃朱古力, 也許我真的可以分出Godiva及吉百利的分別。還有的是, 一盒名貴的朱古力, 說到底也是一盒朱古力! 分別是牌子還是甚麼質料?對一個討厭朱古力的人, 都是永遠不明白..雖然我還是喜歡送朱古力給人...一定喜歡。

會考--
對於我, 是很久以前的事, 今天我卻有朋友剛考完會考，一個17/18歲的朋友。
再想, 我的會考張cert都不記得放在那裡?我已經很久沒有人會再問我會考多少分了。
看得最多也只是poly那張cert.我相信明年畢業, poly張cerT又可以擺在一旁。

考試從來都不是公平, 甚至社會的教育的結構根本就不是有教無類...教育只是要將人分類後, 再將人慢慢淘汰。留下的精英就是過去精英的接班人.....這也是社會結構。

即是說, 如果自知將來不是想步往那些過往精英的路, 這個考試失敗, 根本不是問題,世界有太多的考試, 總有一類人你可以埋堆..做他們的後代。

跟陳醫生說, 過去在學校會考成功的人, 現在做甚麼呢? 除了有一批乜師物師, 專業人仕之外, 其他的究竟往哪裡去了?

或許, 他們仍在這裡, 不過他們已經不知將來可以再往哪裡?

第八十二篇--見醫生

早上還有一點咳..陳醫生說叫我睇醫生, 「我今日咪再見你囉」
陳醫生說:「又係喎..早知我今日帶定電筒加雪條棍見你啦」
唔該哂陳醫生..我們快快手手去了沙田拎身份證...


很想看X-Men!

媽媽給我吃藥..未清楚藥性的我已吃了兩日。換來是陳醫生說明這是抗抑鬱藥的一種....
好驚.....雖然這幾天好?了很多!!

第八十一篇--透氣

我已經由咳轉到打噴嚏...只是不停打噴嚏, 一次可以連續打幾個。
沒有喉嚨痛, 沒有頭痛..只有打噴嚏....
於是今日我去睇醫生
雖然我看的是陳醫生。

陳醫生就我可能作感冒....沒有喉嚨痛代表不用食藥...
於是不用診金就得出診症結果。
最後和陳醫生2人看MI3..

3號風球...外面風速十足八號風球...不過還是一街都是人。

又來說一個故事
故事是這樣的, 女主角發現自己..............
....................................................................
....................................................................
不是地球人....像火星人。

第八十篇--忽然一周

回來了已經2星期。日子快, 人快, 事快..香港每一樣都好快好快。
溫哥華I小姐,台灣朋友,北極紅人有緣聚了在一起。沒有預計會有機會介紹3人互相認識。他們分別是我的好朋友。現在他們也成了好朋友。開心...我的好朋友。多謝他們。

劇本: 無助,失望,放棄,堅持,害怕,焦慮,壓力, 失去自信,迷失,冷靜,重拾自信, 勇敢面對。一切都是2星期的事。
足以令我死去活來....不過任務未完成..還是繼續面對。
不過靜下來,還是可以笑著面對。

身體:病了....

陳生:努力忙著考試。畢業後還有一堆又一堆的考試。精算師的路很長呢..

學業: 最終都可以4A,2B+..原來讀6科的成績可以很好。我應該考慮每個學期都讀6科...



還有一個故事:
故事是這樣的, 女主角要男主角糾纏多年，沒名沒份。女主角一直說自己有多愛男主角，因為心知男主角沒有可能像女主角一樣深愛對方, 無論怎麼樣都只會最愛他一個。 多年後, 女主角發現男主角和她已經是兩個世界的人，再想根本沒辦法再連在一起。原來一直對他的感覺只是一直停留在多年前的回憶及相處之中。女主角其實開始意識到問題在那裡?答案在那裡?
愛情真是一件好煩的事。

第七十九篇--Lord of the ring musical

為了打造加拿大音樂劇的牌子,花費2700,000,000加上一個深入民心的故事, 帶來的就是多倫多Lord of the Ring Musical。籌備四年, 演員多來自加拿大各省、英國、美國的演員,共五十多人嘗試將Lord of the ring呈現舞台,不讓電影專美。
其實lord of the ring的小說及電影的成功不期然令觀眾有所質疑音樂劇能否可以再下一成。有觀眾反應是音樂劇根本不能做到電影那種官能刺激,舞台又怎可做到千軍萬馬的戰爭場面?
於是整個演出也自然地跌入這個trap之中。 一開場,例用燈與影,一段像中國的影子戲來交代一些早早的劇情是成功的。慢慢這個多場境的舞台處理責任就落在那個轉台之上。這個轉台不同的部份更可獨立地升高升低去解決不同舞台調度問題。至於演員,利用「威也」、雜技、高腳、特製的彈弓腳做出的特別效果是令人噗為觀止。
不過我卻縑劇中大量使用這些技術方面去迎合觀眾卻忽略了戲本身的問題。整整三本小說, 電影花了9小時共2集去講故事，現在利用3個半小時要完成, 改編已經將焦點放在hobbis人身上。其他的角色根本刻劃得也不夠深入。故事人物並不吸引!!
沒有千軍萬馬的場面, 人物又不是那麼深刻,餘下的就只有看創作人如何運用舞台去呈現那些舞台魔法，如果只有20多人就可以有令人震撼的戰爭感覺。不斷的舞台效果, 加上現場音樂, 只有欣賞和驚嘆, 並沒有太大的觸動。你會驚訝他們如何會做到一隻很高的馬,在舞台上奔馳, 你會感受火龍的迫近,你會欣賞他們可以做到「樹人」。最後可能你會發現你欣賞的可能是show而不是一個音樂劇。期間不能避免一邊欣賞個別場次, 腦海中又不斷重現那電影的晝面。還記得電影到最後最令我感動的場位, 我完全地找不到。至於音樂真的立了一功，整個戲的音樂都很動聽…可能沒有期望於是更能喜出望外!!要數出色還有燈光,沒有它...整個show不會精彩!
最成功的演出是帶給人令人離場後久久都不能平伏的心情，不過可惜這個沒有,留在我腦海的只有那幾首動聽的音樂和那些嘆為觀止的雜技表演。