第一百五十三篇-平安夜

記得自己有一句金句: 平安夜, 出咩街丫? 最好可以好平平安安咁係屋企抖下啦....
細個時好喜歡玩通頂.....第二朝可以一訓到訓中午...
數數自己玩通頂既次數都不少,不過永遠唔知點解一定要通頂先叫夠.(到後來我知道因為有朋友係唔鐘意返屋企, 成日要我陪佢通頂)...
終於到天光, 望住魚肚白既天,自己一個打的回家呢段時間的感覺都幾難受!
如果身邊有多個人陪我捱過這段時間, 例如男朋友, 感覺可能會好DD...
不過我份人不嬲都好少有D咁浪漫的拍拖經歷..
後來開始學會, 要用酒來麻醉果段時間的感覺。不過以我的酒量, 說醉都會一早就醉, 邊得黎等到天光..多數去到一半, 就會有人拉我走...
呢D都係好耐既事喇..

近來聽著好友的電話, 第一次見識他的方寸大亂...第一次見識他的眼淚..
唉..我都好想可以好實實在在教你可以點做..
那樣動搖, 不如罷了

第一百五十二篇--問題日

為了解決一直困擾既身體問題, 我終於的起心肝去找到一個可靠,可信的醫生。
醫生就話應該要醫六個月啦....半年呀!!
醫生話呢個病應該係我身上住左超過幾年!

朋友L回香港, 朋友I又唔比我去溫哥華, 男友又要返工.
於是我多了時間留在這個多倫多的地方。
有時真係好累..有得比我揀我想留返係WINDSOR架...

不過我都係積極去面對我既人生既.
我租了不少的DVD睇...

看不起一個人和討厭一個人, 可以是一樣的
至少一句佢平常的口吻, 足以令我想兜巴扯佢,因為我最憎就是那種口吻!
不過吸了一口氣, 吐了這口氣, 我又是裝著那張臉照樣的對著他.
如果我真的做到人格分裂, 不會單單只因我是DRAMA STUDENT!!
我戲好左, 因為我識如何在外星星系生存...唔代表我己經被佢同化...

朋友有好多問題..不過..我都好有問題呀!

第一百五十篇--放假

基本上學校試就已經完哂....餘下的還有一份PAPER!
這個假期有很多功課呀...
最少一份欠人的PAPER, 再加一份劇本分析。
還有........太多太多...

如果是因為年尾, 所以不好的事都要於2007年來前盡量趕來,
這個多星期的心情直教人心煩至死。
一直期盼多久的假期到手了,不過的感覺是.....點講好呢.....就好似你會以為今年一定會下大雪的冬天, 最後竟然發現一丁點雪都沒有。

我很煩, 我心情唔多好.....心情唔多好係我一直都會亂發脾四。

收到大學同學的信, 這個大學同學至我去了加拿大後佢都一直寄信比我
雖然我一封都冇回...不過佢堅持次次都寫幾張紙比我...
今日我知道其中一個大學同學結婚..我呢D負面王會係度想...點解佢唔搵我既....
不過我又會想...究竟佢知唔知點樣先可以聯絡我呢.....哈哈....雖然我有一點嬲佢唔搵我..不過點都好啦..我開心佢終於都結婚喇
我知佢呢幾年都有些事令到佢好唔開心...又有一些事令到佢過得好辛苦, 有時我會覺得我都唔知可以點做...我唔識安慰人...我好驚安慰人
就算係我最老死有事, 我都唔知我可以點安慰佢...
直至尋晚, 我聽到一句說話, 朋友唔係要黎同你分黑同白, 朋友係要黎撐...
好朋友S有事, 我好冷靜咁安慰一個極到唔冷靜既佢....換黎既係.....
點解你唔可以講D野令我舒服D...好過D
我果刻醒哂...
或者我呢刻都想有人同我講D野令我舒服D...令我開心D...
如果王君可以幫到朋友S..我估我都係時侯搵下佢!!!

我好煩....如果呢個係犯太歲既問題之一, 我想呢個2006年快D過...
我真係覺得2006年過得唔太好!!!!!

第一 百四十九篇--唔駛返學喇

終於唔再返學喇, 因為開始考試了。好彩的我今年有整整一個星期先到考試, 不過都要做死。
當然這份好彩是人為的, 因為早早學期初的時間表就是這樣子的安排。

看見窗外的雪, 12月已經帶著考試跟雪來了我身邊.
回望那個11月, 我知道11月是一個很多人生日的月份.為公平, 我己經完完全全忘記大家的生日!
如果不是I小姐的電話, 可能我連11月是會有人生日的事都會忘記。
於是我會醒目一點, 所有12月生日的朋友, 就在這個月初跟大家說聲生日快樂!!
這陣子,老是記不穩一些事情。

昨晚很早就走去睡, 我總是喜歡那些不用上學的溫書日子, 感覺時間和腦都可以慢慢給我去充塞..時間不會過得太快.只會
今日要做的就是那份CULTURAL STUDZ的FINAL TAKE HOME PAPER及COMM HIST 的STUDY GUIDE!

第一百四十八篇--又記

老死有了新女友, 他說他們的主題曲是KONG。
曾幾何時, 我也被其中一二句的歌詞所感動。

COSTUME DESIGN堂, 老師預備了小食給我們邊上堂邊吃..
上堂, 同學NELLY 幫我開了一個FACEBOOK 的ACCT
又是一個類似FRIENDSTER的東東, 不過分別是上面可以找到的都是DRAMA KIDS!
出年有個SHOW, NELLY問有沒有興趣做演員?又黎?哈哈
放學後,跟老師說起來年的製作, 除了我要負責那套外, 另外一套有趣的是7 STORIES.故事講一個少女在大廈外圍, 準備自殺!!經過大廈的七個窗口, 個戲就是關於那七家人的故事。不過最後他們七人都只著眼自己本身的問題, 一句也沒有為少女在大廈外牆的出現而感到奇怪。少女走過那七個窗口, 聽完所有的故事, 最後都是跳樓...今日看過那個SET DESIGN RENDERING.那個少女整個戲都會留在那個浮在半空的木條上, 頭尾都沒有樓梯, 一開始已經在木條上!最後唯一離開木條的方法就是跳下來.
很想做這個戲的設計, 未看劇本已經很有感覺.不過可惜不是我。

晚上吃了一個不脆的PIZZA, 仍舊不想吃肉...

第一 百四十七篇--雜記

考試前比較忙一點, 如果要將工作排先後, 對不起, 打日記真的只可以放到最後!
今日最後上堂的日子, 離愁別緒與那場輕雪一樣來了。
很輕, 很凍, 不過始終都會變成水!
自從唔知幾大開始已經明白, 不可能每個人都會跟你走一世的路,特別是你的同學。
我開心因為今年讀每一科都遇上一些投契的同學, 至少不會像YR 1 時擔心分組時沒有人跟你一組。對我來說, YR1 時真的有點難受。
到現在至少返學, 放學時, 有人跟你吹吹水...不過始終認為這些外國人值得笑的事大都是比較奇怪!不過一樣奇怪的我已經開始說著那些無聊的笑話。
近日不敢食肉,腦中常常出現那些動物的「死樣」, 我吃不下了。我會唔會因此從不殺生?哈

明年要當學校的ASSIS. COSTUME DESIGNER, 老師很有心的幫我申請將此當成一科PRODUCTION 的CREDIT!
遇上的問題就是我這個只上了一個COSTUME DESIGN I 的學生, 這樣的申請, 跟跳班沒有大分別。對來說, 有沒有CREDIT是BONUS.我早早已經打算做SHOW求經驗!不過還要多謝老師的照顧,因為我的跳班, 連累她要做更多的PAPER, 又要跟DEAN 去爭取, 這個新來的老師真好!
還有, 她的晝真的很靚, 我幾時先可以去到果個LEVEL!
不要以為大學生活是如此的美好, 至少還有一些八婆出現, 八婆真的無處不在, 以為你對她友善一點, 她還是不知死的狂踩你條尾。有時, 都不知說她單純還是無知..再一次證明年紀大不等於懂得做人...
最可笑就是看著她, 未知人家底細, 就隨心的踩別人, 旁人見到佢真係被佢笑死.