第一百零二篇--返工第五天

今天回到公司....收到一個好消息。
因為Summer Hour...全公司係逢星期五1點鐘收工!!!!!
太興奮喇!!!令到今日既工作passion高左好多!!!!!
為公司想到新點子...很開心

累積下去, 今天的Happy Friday指數很高很高....

同學C要睇戲交功課, 打算睇Shakespeare既Comedy of Error.
同學C唔係Drama學生, 從未睇過Comedy of Error
我說, 都好丫..Comedy麻..不過...你唔驚聽唔明咩??
同學C都有憂慮過...話哂唔係英唔英文, 係莎劇既英文..
我上次領教過tempest...唔係睇過劇本,我真係聽唔明..
不過都係果句..comedy好d既...更何況佢係抄Roman Comedy...好睇d...

整個演出在戶外演出..應該好d既..
死啦...寫寫下..好似講到自己唔想睇tim...哈哈

第一百零一篇-返工第四天

返工第四天, 今天更過份, 自動自覺6點半起身。
返到去..呆下呆下..連到阿Ken, 都唔知同佢講咩好....Ken Gass仲要係Artistic Director...
學下Matt話, 我都係留幾個星期即...唔好太「 」自己。
Office都好悶..因為大家既位太開..而大家都好似好忙咁..我都唔敢同佢地講野..都係做野啦!
唯有得閒有d SM team既人回來幫手做野...佢地先會帶返d人氣入office..
大家對我呢個「外人」都有點好奇....成日都會走過黎自我介紹一番。

放工行多2個路口食野..發現果邊好多道友, 神經漢係附近, 本來都有少少驚..不過日光日白都知唔會有咩事.不過, 突然發現原來一直感覺富庶既加拿大, 都會有這一面。

第一百篇--返工第三天

今天亦是一早七點自動起身,於是決定早一點回公司。八點三出門口!!於是我今日可以九時九回到公司。
今日狀態比昨天好, 5小時的工作幫database set up左好多野...計計..我要在這裡待一個月多四日...
時差快點適應吧!!!!
因為日日的生活就是七點起身,吃一個蘋果, 沒有時間食lunch 回家5點, 即訓..9點起身, 食少少野, 同細佬係度hea...吹水...2點又訓...
至於細佬, 佢又係七點起身, 七點半出門口, 返學....3點幾放學, 回家前食d野, 又係訓, 同我差唔多一樣比人叫醒....又係2點訓..
同細佬講, 點解我地既生活係咁....好似成日都唔係自己咁...乜都做唔到,唯一就係同細佬睇「愛情全保」
堅持認為是時差問題..因為冇可能會累成咁...我下星期仲要開始預備考試架!!
今日係公司, 3點鐘當我好累咁死返去既時候, 有一個女仔同我講左一大段野..好快...好似係介紹自己...我個腦function唔到....唯有少少同佢講聲nice to meet you...
算啦..我地呢d intern仔...留得果一個月.....係咁架喇...(呢個係阿Matt講, 因為佢介紹我比人識既時候都話, 佢都係留幾個星期即...)
係囉...幾星期得黎仲要做出年既preparation work..真係好好笑..不過真係學到野既..如果唔累..我估我會開心d...

第九十九篇--返工第二天

今日要自己坐車返工....由我家門口先坐半小時車到地鐵站, 再坐半小時地鐵, 再坐半小時的street car. 0830出門口, 準時1000回到公司。第一日返工遇上的意外是, 地鐵要轉車, 迷失在月台共5分鐘。Street car早了2個街口落車...急步了15分鐘。好彩都準時...怕遲到既心理壓力指數比上堂還要恐怖。

回到自己開始做野...基本上係上網上網同上網....尋日返工已經看完劇本...今日就負責搵哂接頭人的資料..再整封email過去...做埋design份database. 呢5個小時返工時間好難過..主要原因我好累。
可能係時差關係啦....到我整完份database既form之後, 我決定要早走。

尋日第一日本來講明係返10-5.不過我真係好累...要返10-3...還好的是Bonnie說冇問題。
當然啦...基本上份job做既野都係講緊出年的事...佢地個個就忙住做緊眼前既project...toronto fringe fest.仲有演出....坐我旁既Matt就日日對住個腦, 又要應付PM Eric日日新鮮既問題.......
Lunch時, 拿了個muffin回公司食....係我肚餓既時侯基本上咩都好食..不過呢個muffin 真係可以令我咬一口要放低....於是我就冇左個lunch...

不過都好, 至少佢地冇咩時間理我, 我又可以睇下佢地日常運作，都學到野架..

3點走人...回到家4點幾。冇胃口冇力去醫肚...上床就失去意識, 晚上十時起床...食晚餐..好似係今日既第一餐...都唔係食到太多野..
細佬既情況同我係一樣..於是我地大家都話, 佢上完3星期既summer, 我做完3星期..大家都會瘦哂...
係都唔錯...

第九十八篇--朋友日記

一早起床...都不知是緊張還時時差未習慣, 我竟然一早起身同細佬爭洗手間去吹頭...
不過佢係要0730出門口, 我係0815出門口。
看過電視台王小姐的日記,我真的離開得咁無聲無息嗎?
今日看過她的日記:
Ewant 在我不知不覺間離開了，來的時候她寫了一齣很撇脫的戲，離開時她也說服自己成為一個看得開的人。離開後回來的她到今天到底是不是一種成長？面對獨處，人的確需要一點自私，這當是自我安慰也好，補償又好，如果每天醒來可以笑，活得自在就好。我會支持她這種略壞的成長，雖然總覺得這種豁達還有點沙石，又雖然知道如果她把他放下的話，以後回來又少了個籍口-.-

回多倫多的十多個小時, 沒有睡覺, 在發呆....是一片空白。雖然腦中是一堆又一堆曾聽入耳的說話, 那些根本是我唔明, 定還是我唔需明, 又或是根本係好直接同我講, 以為我會明既一堆說話....

人和人之間的說話是難去詮釋的。

我開始要很多理由去支持我做每一件事。不過我卻親手去殺掉一個最大的理由。
是我親手還是根本未到我手已經死了?
每日返工, 放工, 讀書, 睇劇本。回家食飯, 洗衫, 睡覺....
這個是一個「無」的心情。個心第一次有呢種咁「無」咁「輕」既感覺。
沒有我, 生活都是這樣的過....根本我不是太「 」，至少對於某一類人而言。

第九十七篇--新工

本來我想寫下日本遊記, 不過真係一言難盡。真係有時間先可以寫。
回到多倫多已經是晚上十二時, 明早七時半起身返工。
由家出發到公司,有人車都要用上1小時。很累呀。
負責帶住我的就是Marketing Officer ,Bonnie。回到公司, 她就帶我出去飲咖啡。大家傾下計。她一早預備我將要做的工作。

我主要負責來年的Project,The Walker Festival.
George F. Walker是一個加拿大劇作家, 可以話係由公司一手培育出來的劇作家。
這個Festival總共有他的3個演出。我就負責set target audience, 之後再做一個media database.方便宣傳時用。
之後我要負責起幫公司搵錢...度ad. plan去sell 客, 同搵客。
第三個....死喇唔記得tim....

傾完之後, 回到公司, Bonnie帶我周圍行行,公司有自己既rehearsal room, paint shop, 一個main theatre, 一個black box.2個bar/lounge,一個office,有SM office, 有store room 好大好大, 好多地方全部都通到....
公司已經有幾十年歷史, 主要做本土加拿大劇。因為佢地係代表canadian-english theatre.因為多數好地道既加拿大劇團, 是專做法文戲。加拿大本土戲劇起源有一部份由Quebec開始, 主要是法文。於是公司會翻譯劇本做演出。近年就集中去培訓本土劇作家。

第一日返工返10-3。
今日主要既工作係睇劇本....我用了3小時睇左2個劇本。唔睇劇本又點sell戲喎...
同事方面,坐我旁的是Matt..佢係admin assis.
有publicity同事..Kathrine.有Bonnie..今日還見到PMEric,和TD的Mac........

聽日開始返10-5..其實都很累呀...

第九十六篇--迪士尼

帶了三個表姪女去迪士尼。
看見她們三個,2歲, 4歲, 5歲玩得開心, 多累也值得。於是我一共玩了2次轉轉杯, 2次小飛象..還有其他的遊戲。抱起她們, 被拉著奔跑..最後都說, 跟小朋友玩, 才會懂得甚麼叫忘我地享受。
至少, 我這個表姑姐都能帶給她們一個回憶。

最後, 那些煙花吸引了大雨。原來有小朋友的辛苦不止要學習如何教她們, 最最累人是那份擔心。

第九十五篇--我們都沒有問題

跟媽媽買東西回加拿大......終於要回去了。
晚上跟電視台王小姐的一段地鐵，她說何時看開了那麼多?
太近看不清, 停下來行後一步看...好看多了。
於是, 我發現我學習行後幾步再看。
王小姐說我潛在性有問題。
如果問題是潛在性, 那麼就不是有問題...至少它沒有發出來。
我說我沒有問題, 王小姐說有問題的人都不會說自己有問題
那麼, 全世界的人都有問題了。
當全世界人有問題時, 問題又不是問題吧。

跟王小姐說, 以前的我會因為找不到一個人而找狂。說沒有充電就不要出街。 現在的我, 找不了就算了。電話都是一個起, 二個就可以不要了。

要時時刻刻交代, 時時刻刻要被找到很累人。
在學校時, 我的手提長時間都是震機, 更加會放在一邊。唯一解釋是, 我又不是在工作中。
朋友想見不能見..算吧..隨緣吧。
「去玩即....工作要趕, 玩都要趕...會很累的。」

第九十四篇--我們要學懂控制自己

跟中學的師姐來一個下午茶。大家笑笑說說起學校的往事。她是我初初入中學認識的中六大姐姐。那個時侯, 總是覺得中六的師兄師姐是應當尊敬的，他們永遠都是那麼的聰明, 美麗, 又有才幹, 擁有一份攝人的魅力。讀書考試一定是A,運動, 頭腦又好， 對我們這些F.1仔很友善及照顧。男男女女走在一些是郎才女貌, 天生一對。最後一定入香港大學。總會有一刻會想, 將來可以好似姐姐一樣就好了。跟她談談學業, 工作.....認識超過十年, 見面的一刻都帶點尊敬。而她仍是很友善的大姐姐。
不過今天的我已經不是那個F.1小妹妹喇...

回家已經六點, 電視台王小姐因為開會趕稿, 所以不能食飯。看看那個鐘...7點來了。找找附近住的朋友, 不過我相信都很難了, 還是自己問題, 要約為何不早早的約....8點來了, 本來一心打算一個人留在家吧。心血來潮打給元朗工作的Y.於是對話不夠3句, 他已經決定現在出來荃灣陪我食飯。
於是我又相信, 日常生活一定有奇蹟。他帶我去了食全荃灣最好食的日本野。

他說由我打電話給他, 已經知我有問題。
不是啦....我只想找人陪我食飯。

來一個長談....很多很多.包括他的工作, 不過最後問題都是討論選擇....

他總是一個滿口理論的人。

最入腦是他那一句,「 如果愛情是循序漸進, 我跟你早早已經發生左關係!!!!」
「肚餓走去食野, 累就走去?, 悶就找人陪, 去習慣這個模式..人生就會簡單很多」
「我們要學懂控制自己」

第九十三篇--錯過

昨晚終於努力開始溫書和做功課。沒有錯, 這個暑假我有報Summer Course.
心血來潮, 看看朋友的Blog.看來我錯過了很多。

她們的一些感情事, 工作都是這樣。縱使聽來所有事都是我們一早預計到。所以說知道結局, 不代表你可以改變命運。
有時我在想, 當人有新意念的一刻, 命運已經改變。
究竟犯太歲, 土星入運等等的原因是因還是果?


開始準備心情離開香港, 每次離開的感覺都是不知何時會再回來。
雖然距離上次回來到今次都不足4個月, 是緣份及機會。
上次回去是為了找尋新目標, 今次回去是向目標進發。
我會記得您的說話，我應該試試做一些不能拎到A的工作。

第九十二篇--分手

剛跟朋友食晚飯, 當我還很有興趣跟朋友說起另一半, 朋友跟我說,
我們幾好丫, 不過星期一就會分手。
當接受了世界上有太多奇怪的事會發生的同時, 基本上我沒有流露出太驚訝的反應。
希望朋友能好好享受那分手前的節目。

朋友說搶人未婚妻是很錯的事嗎?
未婚妻....甚麼叫做未婚妻?
還是送一隻Tiffany Engagement Ring就等於訂左婚?
婚姻這個問題太大, 夜晚時份是不應該提的。

還有一星期會走, 假期快完了.....回到Toronto是新一輪的工作。
朋友說我的2006年上半年, 像完成了幾年要做的事。
不止, 我還發現夢想可以成真的!!
讀6科有4A2B已經是我學生生涯最見得人的一次。
做左個 production, 可以去加拿大職業劇團實習, 已經是賺左。
回香港仲可以寫劇本, 做演出。
朋友說, 我一路談工作, 可以看得出有一團火。
當然, 這只是一個起步。
對於我, 年終是六月尾, 所以我回到去, 也是新一年的開始。
如果犯太歲是有改動的意義....2006年我真的順著命而變了...

第九十一篇--愛情

幾年前, 我覺得愛情像玩遊戲, 曾經遇過一個人, 我被傷得死去活來。
現在, 我覺得愛情像命運, 像人生，根本冇可能有得揀同控制。
對著那個人, 現在的我沒有想過要羸, 要爭...只是覺得隨緣吧。
如果大家在世相遇, 可以有緣陪著一起走過一段路是很難得的。
不是想想就有機會, 還要讓許多人和事去成就。

我和您已經走過一段, 我也見過其他人跟你走過另一段路...
你也經歷了路程上必要經歷的事....
到現在, 我們都是繼續向前走..

對於我, 有些事情我想通了, 也跟你坦白過。
我唔會再Push你, 根本冇意思，呢一刻我知你知我, 就可以。

###
寫劇本和做人一樣, 要拋開, 打破自己所學所知的事是痛苦的。
不過放低了自己, 才會發現得到的比失去的更多

這就是捨得的意義嗎?

第九十篇-思念

喜歡看blog, 因為看別人的生活, 感覺很有趣。
看過一個Blog,我不認識作者。吸引我是她愛上的他是我認識的。
世界真小。不是故意, 只是巧合。
看著她從日記中表現出無限愛意。
「我不想做他的FANS,我跟人說我是他的朋友」很有趣。
還有她去到那裡, 「我會想起您」
最有趣是..可能是, 我知道那個作者跟「男孩像您」都不能有一個完美的結局。
單戀最能帶給人窩心的感覺。「我愛你, 你不知我愛你。」
「我對你好, 我沒有要求你對我怎麼, 我都會對你好。」
看, 沒有要求回報的偉大愛情呀!!
哈....提一提, 作者是一個18歲也未到的小女孩。
#####

近日朋友跟我說, 你的劇本中有些句子很入腦....
最多人說的是:「只有青春, 才有資格嫌棄人。」
大家都有同感嗎?

第八十九篇--深圳

連我自己都驚訝, 這是我第一次有意識情況下去深圳....
當然不計舊時那些陪阿公阿婆上大陸的日子，記得當時既我, 只知返緊鄉下。 返鄉下=返大陸。
大個左意識到原來中國可以好大既時候, 次次返去都只會係去那個「五星級的家」。

跟住阿Y, 謝菲和我就往深圳出發....
基本上, 我對那個地方的認知是零!!!玩了一整天,見識見識新中國, 最後都見識了所謂的「按摩」。
頭一小時的腳按...其實已經被我想像中好點..記得4年前經Annie 介紹, 我到過跑馬地找師傅去按腳，當年我是嗌到留冷汗...記得當時醫師說.我跟本都冇用力, 掂下你都痛既....好明顯你又水腫, 淋巴又有問題......於是尋找隱世明醫。
4年後, 竟然又去按..今次師傅輕了手，還是我身體好左?
總之冇上次咁痛啦....
按完左一小時腳, 終於都全身按喇...
首先,用身體感覺到所有的穴位, 我發現佢係幫我複習一次我曾經學過的東西....
不論穴位, 按法, 時間, 力度....哈哈....勁呀!
至少, 佢一按我, 邊個位痛.我知自己有咩事啦...
於是2小時很快就過....

11:45pm走...我12:30 已經可以到家門口。
真快.....
不過我相信自己不是那些終日嚷著話要上去的人。閒時一次二次還好的。