一百四十六篇--BE STRONG

昨晚失眠, 如其留在床上輾轉反側, 我決定起身執野!
早上如期起床, 又是一個好明天。
上堂發現自己忘記做BONUS QUESTION.
私下跟靚仔TA求情, 給我時間補交...
如是我又欠下同學L的人情, 幫我發了EMAIL給他。
DR. MARTIN堂看V FOR VENATTA
第二次看都好好看, 唯獨有一個不太好的結尾!!
遇見同學DENNIS, 看見他平復了心情。(他太太的GRANDFATHER過了身)
很怕這些時侯, 不知可以說些甚麼, 我只輕輕給他一個HUG, 一切在心中!

下午原本跟同學看戲, 點知最後因技術問題看不成(同學CHECK錯時間)
於是我跟同學在咖啡店談天說地了2小時。原來迷惘的又不只我一個.
不過他的一句, I came here for Drama, not for communication. I never change my major to comm.
Who cares the others ! It's me!

晚上跟久違的I小姐傾了一陣, 一個壞消息
你說得對, 身邊的人是可以在毫無預兆下離開我們。BE STRONG!

第一日四十五篇---欠人的, 始終要還

最後, 在我用餘下的力氣去放縱自己一晚....
給同學L見識了我一個毫不清醒的時侯。有些時侯, 我會發出只有我一個人知的信號。
好友S習慣開戲等埋位時會打電話給我, 吹水之際, 總會聽到旁邊有人搭兩句....每次當我以為是普通的工作人員之時, 他說是男主角呀。 想起了當年聽到吳生把聲的開心.....算吧, 我對余生沒有多大興趣, 魚生就會食多兩件。
跟好友S說我當了下一個學校製作的COSTUME DESIGNER 既ASSISTANT, 他隨即都會向我提議做電影。當我不字未出, 他又接口說, 算吧, 你都係做唔慣!!是嗎, 你是最清楚我的人.....比較電影, 我還是喜歡舞台多點, 又因為我未畢業, 我先可以自命清高地揀JOB。

年尾, 數數還久人的東西, 我的起心肝去做:
於是新的MACBOOK因為備用成5個鐘...容許我在火車上打了一個廣播劇的故事大綱。
記得1年前, 我曾經應承了這邊的中文電台寫廣播劇。給朋友們, 都說這是我自己的故事,只有主角設定相似吧...其他都是角色和角色之間的故事。
我記得我還欠人一個劇本.
我欠韓國同學一個IDEA.
最後...直至韓國同學上堂跟我說著我的紅眼....我才知, 我還欠了自己一個睡眠

第一百四十四篇--最後一個月喇

話咁快, 這個學期已經到最後尾聲。明天今日我已經畢業喇!所以我出年要努力做多D野, 做足準備投身社會!
呵呵...
好友S就開心啦, 去泰國拍野!仲有令人難忘既經歷!!仲記得上年同佢傾計既時侯, 仲係前路點睇都睇唔透....
我記得當時我同佢講...你轉緊運即, 等運到啦...哈哈
咁至於我...究竟等咩呢....
我知好友S後生既時侯都好努力先可以去到依家呢個位...
我都唔好可以太懶喇!
所以我決定除左努力讀書外, 我依家個心就飛左去其他PROJECT到...
希望撒下種子, 等發芽啦...
除左等發芽..仲可以等咩呢....
唯有等好友S紅啦!

第一百四十三篇--新玩具

上次返香港己經想想地....
不過一直都因為冇咩原因..又唔覺身邊有咩人有...
因為我絕對係一個怕麻煩既人..我一直都冇的起心肝買!!
返黎之後..發現成個SCHOOL既人大部人都係用佢....
再加上出年讀果科要用...
於是開始做資料搜集!
最後...訂左喇!
於是因為身邊冇咩人可以問...
識用既FRIEND又唔係身邊喎...
於是我就自發性去搵網頁!!
我咁大個女都冇咁神心去做呢D野
因為不嬲對我黎講...電腦係一樣好煩...成日壞...同埋我真係一個COMPUTER DUMMY!
終於送左黎喇....我有新機喇...同舊既完全唔同.!!!
等我慢慢去開發去啦....!!!!
講左咁耐...講左咁多原因..我最後都係加入MAC的行列!
正式脫離令人用到好XP的WINDOW XP...
被MAC BOOK取代!!

第一百四十二篇--又撞車

真是...好黑仔
兩星期內撞車兩次..
第一次就嚇親..第二次就撞親個頭
人就冇咩事...不過真係嚇死!!攪到我有陰影TIM....
改坐火車.....3個半小時車程變成5個半...
不過DELAY唔係最嚇人既事
話說全車坐滿人....本來打算3小時好好看CHERRY ORCHARD劇本
點知...一拎出黎..坐我隔離既太太就話喇...
太太:哦....CHERRY ORCHARD喎!
我:係呀..CHEKOV的CHERRY ORCHARD
太太: 點解你會睇既
我: 我做功課囉
太太: 哦...你讀咩MAJOR
我: DRAMA
太太: DRAMA!?
我:是呀
太太: 你係BA?..我都是喎...我教DRAMA架!
我: (等陣,,,我未見過你喎....呢個得兩個原因...原因1. 你係新黎. 原因2.你係DRED既老師)
(註: DRED即是DRAMA IN EDUCATION)哦..係呀.我係DRAMA AND COMM
太太: 喎...我係DRED架....加上我新黎!

傾左一陣學校既野...佢又講下對CHERRY ORCHARD既睇法...
最後我就拎我部MACBOOK出黎做分場..
而呢個PROF就拎份功課出黎改
讀過CHEKOV的人都知他的劇本要做好深入劇本分折, 我打算做左一個分場先再做劇本分折
睇完ACT 1...
太太: 點呀...睇到邊呀
我: ACT 1
之後佢開始問我問題....嘩..我完全啞左....唔識答!於是我又用左成程車睇劇本....
加埋DELAY的時間...我的起心肝一口氣睇完佢...發表我既意見...
繼我上次睇左幾次既三姊妹, (唔係我睇幾次, 我係睇幾頁..頂唔順..放低佢...係拎起放低好多次!)
我第一次一口氣睇完CHEKOV既劇本
不出我所料....餘下的時間我地討論劇本!!!!
我覺得自己上左一堂!
好驚!

第一百四十一篇---繼續努力

本來以為今個星期會死....不過因為Dr.MArtin良心發現, midterm推遲了!!終於有時間睡覺喇!!
真開心....
這個星期發生太多事....
第一---撞車。
雖然都是小意外...好彩人冇咩事,不過當時有一種接近死亡既感覺架!果心有d離一離! 駕車要小心唔止睇自己..仲要睇住人地會唔會突然發呆..
第二---買新腦
終於訂了macbook....下星期應該有新腦用!
第三--睇WICKED!
好睇！我坐到好後都好好睇！
當然最感動都係聽住What is this feeling！當年排戲日日唱住架．．．幾有感情！
第四--選科
剪片, 執相, 影相, 讀電影美學,tv acting...仲有....未揀定..
本來一直由directing/movement同history呢三科揀...
本住想時間可以自由d,點知上堂Nelly問
N:你讀唔讀Scenic Painting II?
Y:唔讀喇...我唔係好得係將牆果度畫畫...
N:你咁都叫唔識畫...我見住你用5分鐘晝幾張sketch..
Y:sketch only.
N:一齊讀啦
於是我又本住...如果讀scenicpainting..我下個學期就有long weekend.
即是我只係上星期二，　三，四！！（雖然呢三日會上到天昏地暗．．早上１０點至晚上１０點）
日日都會早出晚歸．．
點好呢．．．

第一百四十篇---11月

這個星期的睡眠時間又創新低點....
基本上只有3小時的睡眠....
costume design堂...12月頭要交cherry Orchard的design...我都未開始..
本來想開始做, 不過每一堂都要交新的design 的rendering..
於是唯有等星期三交2張...下星期交埋果7張圖..我就可以真正開始做final project

呢張係我星期三其中一張...今次好易.堂上比左一大堆幾廿種布碎你...自己揀幾種布黎design ......類似fashion design, 因為
冇劇本要跟 ,對住果堆布...我難先搵到我想要既...
於是我畫得好hei......
求其整d野比佢睇.....死未...
其實張圖係有dd問題架....呵呵!!!!

因為, 我仲有2份paper要交...
acting堂, 看來我親愛的partner根本沒有時間跟我排戲....唉..點解我要同佢一組架...
我都只係呻下即...眼見韓國同學的partner仲忙過我果個....
我好想同佢講, 我知你要跟show..我都有十九幾萬野要做...不過都要安排時間排戲架! 做唔到.就唔好跟咁多show啦!!yr 1同學!好掛住daryl同學...
本來跟韓國同學說打算寫劇本參加toronto fringe festival...不過看看deadline是12月...我放棄了!
比我快d捱埋呢個11月啦...

要完成的功課-
Papers X2
monologue Final presentation
text, character analysis, rehearsal log X2
Scene Presentation
Final Design Project
Midterm x2
Case Studz
Final take home paper
Exam X3

第一百三十九篇--一個唔稱職的演員

同學sam要拍短片, 找我來當演員。
雖然只是3分鐘黑白無聲的短片, 無對白......靠gesture.....
於是晚上, 身為導演的sam跟我約時間...
「今個星期六」.......對唔住呀..我出多倫多睇wicked呀!(我成個幾月前一早買定飛架喇...)
「下個星期五」.......我整個下午都要排戲!晚上要開工!
「下個星期六」........早上開工, 下午排戲!
「下個星期日」........無問題!
(其實佢再下星期一就要交片..........佢為左我等到最後一日先拍!)
「男主角我地打算搵danny..」.......真係..不過佢高唔過我..好難講得通佢係我男朋友喎..
「咁我要再搵下男主角喎」......哦!知道..一係我介紹人比你啦..我地drama school大把男人高過我啦..
「好啦, 你記住當日要著有鞋帶的波鞋」.....?..我冇呀!!
「鞋帶喎」...我房所有鞋都係冇鞋帶架..
「咁唔緊要啦..我帶比你啦」....唔該哂...
以上對話令我都覺得有點唔好意思....我真係一個好麻煩既演員呀!!!哈
不過放心..我到時絕對會交足戲.....

第一百三十八篇-要排戲最難就是夾時間....好難呀!

因為沒有興趣當ASM, 也沒有想過去casting...我一直都沒有參與學校的演出
(我指要跟足排戲那種的參與, 做下running CREW唔上身都幾好玩)!!
有時看見一邊跟學校演出, 一邊上堂的同學, 真的很想知, 你們的時間從邊處黎呀?
我知演員可以計credit...排戲當上堂。sm的laura就早早申請在最後一年不用再上堂, 全職在學校做sm。至於其他asm...就要一邊上堂一邊排戲。
其實照計跟我都沒多大的關係...因為一直上的所有design course都是一個人嘔份design出黎...時間完全由自己安排。
直至今年讀acting....
大家０係一個明知要做一大堆scene work,同 明知要自己安排時間去排戲..的情況下，我們沒有時間排戲　
我跟ｐａｒｔｎｅｒ那場scene只排了1小時!!!!!果一個小時，係佢排完一個戲同演出期間的空檔騰出黎的一小時同我排．．．我地既blocking是沒blocking．．．．哈哈！勁呀！
我地只係試左幾次．．都未有時間坐低傾下大家點．．大家只係用果幾次去試下唔同ｌｅｖｅｌ
其餘時間都是靠同學L幫我背劇本..
問問其他同學跟partner情況...韓國同學說, 同學雲麗紗要拍片(我由year 1已經見佢成日要拍短片..佢應該該係全職拍片．．)沒有排過戲..
問問同學Dan, 他的partner又要跟asm...又是這樣!
本來除了排戲, 我們都可以用晚上/早上的時間去排.不過大家還有更多的PAPER, 同MIDTERM要應付...
acting堂的scene work...變了做即興練習!
唉.....這個排戲問題, 真的令人頭痛！
我已經放棄了打算下個TERM TAKE DIRECTING的念頭...
夾一個人已經難..夾成班人真係唔知會點.
我終於明白當年同學MANDY不要take directing的道理，　上DIRECTING堂最難不是導戲...而是同人夾時間!

第一百三十七篇--十一月

太忙...太多事要做...
真的沒有太多時間去做其他事....
今天上acting整親條腳根...痛到眼淚水都出哂....
行到回家以為唔係太大件事...不過仲忍忍有點痛!!!
今日ｐｒｅｓｅｎｔａｔｉｏｎ唔錯．．我好滿意

可唔可以比多一星期我, 比我清哂d功課加paper先加新野!

今日同ｐｒｏｆ講．．我唔會上ｌｅｖｅｌ２既堂．不過我希望有機會做designer assistant...
實戰好過上堂啦！

第一百三十六篇--我的紅酒

一百三十五篇---halloween

起身果頭比石頭更重, 我果頭本身已經夠大架啦...仲要頭痛...行步路都浮下浮下...最後仲要同學L扶我, 於是今日走了整天的堂。食了早餐, 身體回暖睡過午覺, 恢復精神充了電, 但係又冇心機溫書。我決定比自己懶一天。晚上, 找同學L吃中國菜。那間菜館是有k房。這個小鎮的唯一k場真的與別不同。?．．我就冇機會去見識, 傳說, 大家要自己帶碟先有新歌。今日有人在這個傳說的k房唱k。因為隔音設備好差好差...我們可以一邊聽著音樂一邊吃我地既羊腩煲，　係枝竹果隻．．．加埋腐乳好好食。至於音樂方面，　好明顯呢班人冇做足準備，　人地去迪士尼要做足準備，呢度唱ｋ唔做足準備，　就好似佢地咁．．．．
「以每過一天，每一天是醉（野）」－唔係我打錯，　係我聽住佢唱醉野
仲有「哎呀啦啦啦啦ｌａｕ聽紙哎笨ｓｉｕ鞋」..
同學L有點無奈, 我就說「差不多啦, 903的一切從音樂開始都是播呢ｄ舊歌０即，　更何況呢個鐘數香港903都係做緊一切從音樂開始啦」同學L「唔係啦, 一切從音樂開始ｄ歌好聽d, 港台果邊咩節目呢就播呢d」我說:「我知我知..輕談淺唱不夜天」呢個時候, 我們又聽見有人唱鄧麗君的「啦啦啦啦啦啦....我只在乎你」過了一會, 一個高大的人入來買外賣。呢個外國人身穿有趣的costume,其實都唔可以叫做ｃｏｓｔｕｍｅ，我只係覺得佢求其搵ｄ野放上身， 加上腰間用紅布包著一個頭型物體。呢個男人突然向我打招呼..當我仲呆左既同時,他都好embarrass地說「hi yvonne」原來他是我的prof rennie....(其實他沒有正式教我, 我只是叫佢sign in我入佢班sound design，　不過睇黎佢應該跟我讀一讀ｃｏｓｔｕｍｅ　ｄｅｓｉｇｎ)我問他：「可以看看那個頭型物體嗎」原來是一個「死人頭」來閎我跟同學L係度扮驚，　說了一聲「嘩」，　冇錯，　我地同佢講中文他說：「係你地叫我比你睇咋」－－佢當然係講英文當他行去叫外賣的時候，那個老闆娘還以為他是來拎糖的．．． 我笑他「今日收穫好唔好呀」他說：我陪我的女兒出去囉．．我說：　哦．．女兒臨走，　他再一次很唔好意思同我講左句：Happy Halloween!!!
回ｈａｌｌ途中，　打算回房溫書，　見到有個鄰居問我地，　去唔去ｐａｒｔｙ呀？
唔去啦．．唔駛溫書咩
又因為溫書太悶．．．於是周圍行下行下，　落左樓下打算買野飲．．．我同同學L突登唔入去，係出面ｗｉｎｄｏｗ　ｓｈｏｐｐｉｎｇ．．．裡而有條友問個ｓｔａｆｆ，　佢地兩個係度做咩（佢好明顯唔知我地聽到佢講野）個ｓｔａｆｆ話：　哦．．冇．．佢地ｓｈｏｐｐｉｎｇ即．．．果條友唔信，之後果女人話，　係咪度門ｌｏｃｋ左．．．個條友開門，　我就話喇．．我ｗｉｎｄｓｏｗ　ｓｈｏｐｐｉｎｇ緊．．唔好理我！！！！
之後有個鄰居（係美國讀建築既香港人），　我同同學L叫佢做arche佬。Arche佬見我地企係度，　就問我地：你地做咩呀
我話：ｓｈｏｐｐｉｎｇ囉．．．唔得咩
之後，佢問我地，　咁得閒既，　行黎行去．．．我飯都未食
我話：下．．．行下即．我地去ｓｈｏｐｐｉｎｇ麻
佢話：ｓｈｏｐｐｉｎｇ，　幾點呀
我話：ｓｈｏｐｐｉｎｇ買野飲．．．好重要架
（下刪一段無聊對話，例如，　冇ｍｉｄｔｅｒｍ呀，我就話冇呀，　我讀果ｄ冇ｍｉｄｔｅｒｍ，佢好驚訝咁講「下＠＠＠＠＠，　你讀ｄｒａｍａ架．．未聽過喎！！！果ｄ無聊野囉）

第一百三十四篇--好熱的熱身

今日上Acting堂, 我們玩了很多追逐遊戲:
老師要我們做一個很熱的熱身。簡單一點, 就是一個負責捉人, 被捉的就是雙手捉著負責捉人,一起繼續捉人。再捉了的人又一個接一個的雙手互扣。玩了幾分鐘, 我們每一個人已經熱到救命。加上地下很滑, 我們經常地撞在一起。而我又經常先被加面的ashley拉著, 另一邊又被Jo拖著,基本上後期我已經兩隻手被jo的手拖著, 他一揮手, 我跟後面的人, 就好似繩一樣給他拋出去..加上地滑。我們經常倒地。
做完熱身, 我們為下一次scene work做ex。又是捉人遊戲。被捉的人要立刻freeze，並做一個自己選定charactrer的動作的gesture。其他人可以去營救被ｆｒｅｅｚｅ的人，　只要問他一條問題，而他也要跟著自己角色去答這個問題。pose不能重覆，　問題都不能重覆。我們又追追逐逐，開開心心的玩。
最後跟Erika做即興練習，我們都要將自己的emotional level放大，　大家又吵吵鬧鬧。當我們只用body language做improv, 她不停的走來走去，而我又要好似貓捉老鼠捉她坐自己的位。
因為太激烈的關係，　差不多落堂時，我發現我的眼睛掉了粒好小螺絲。Danny問我是不是找contact lens,Erika說差不多的小．．是小螺絲。於是大家開始為了我那５mm長小螺絲進行地征式的找尋。他們說先要從我最後跌落地開始找，慢慢擴大搜查範圍．．最後Brian大叫：「 I am the Hero! I can find it out!」
我撲了過去Brian那裡，太感動了！否則我副眼鏡又要拎去配了。
下次上Acting堂還是帶Con穩陣。
　

第一百三十三篇--Color Wheel

今日上服裝設計課時, 老師又有新攪作。今天我們自己動手做Color Wheel。
她接著從袋中拿出三盒餅, 2盒cream, 及3枝分別是黃色, 藍色及紅色的油。
只要將油滴在cream內攪, cream就會變成那隻油的顏色。
我們就要從那3隻顏色的cream, 互相溝出有12種顏色的color wheel, 即是黃cream加藍cream就變成綠cream, 黃加紅是橙, 紅加藍是紫。之後又將橙加紫....綠加橙...基本上那12種就是左溝加溝..
我們四人一組，溝兩盤color wheel。Nelly一邊整就一邊偷食cream。當Erika溝了隻色, 十足三文魚色, 而我又溝了千島沙律的色。大家開開心心整了一碟又一碟的color wheel cookies.....
如果考試考整color wheel就好了。