近來家中忙著做白事, 一直都冇時間上網。
習俗上, 我跟細佬兩個人係最主要負責既人。
於是好多人都會比好多意見, 好多好心既提點。大家既出發點都係好..大家既出發點都係想我們安心一點!不過咁多野, 聽得邊個講丫?
不過不在香港, 有好多野都真係幾唔方便:
先先買金銀,路票, 香燭等等的物品..基本上價錢係等到香港既標價。依家加紙高過美金, 即係等同將香港既價成大8倍。
不過基於大家都希望安心一點...所有禮節一定做足。這些錢一定要花!!我同意..不過我真係有點懷疑大家所謂的禮節, 有沒有一個準則?
每個人都唔同VERSION..每個人都有唔同方法..有時真係唔知可以聽邊個講...
不過我同細佬已經知道...我地都係想佢媽媽安心一點, 好過一點...總之, 咩事都問下佢阿媽..佢安心..我地就已經做足哂所有野...
我仍堅信孝順係應該身前做..身後可以做的真的很有限。
雖然我唔係太信燒金銀等等..不過這些RITUAL真係有助抒緩情緒...有D野做, 有D野忙...好過坐係度亂諗野..我估呢個先係前人既智慧!做禮節既重點。
依家真係冇咩人識..我果個細佬就更加唔會識啦..我呢D同佢係買野又可以班門弄斧..點知
佢: 你咁叻既..知哂咩黎架喎
我: 係呀....(其實都係叫得出係咩名.)
佢: 真係睇唔出呀?
我: 睇唔出咩
佢: 你成個婆仔咁囉....(我已經係呢個位打左佢一大野!)咁點解你會識既?
我: 我呢D細個放暑假去阿婆度, 跟佢拜佛..又跟佢呢度去果度去..得閒又摺金銀...我仲識摺果D 好大果D野..
佢: 勁喎..暑期研習班
我: 有幾勁, 好多都唔記得
佢: OK啦..你話依家仲有咩人識呢D野丫..嫁妝麻!!!煮飯係人都識啦...呢D野唔係個個都識!
(賣金銀果個人同我STEPMOM講一D 禮節既野, 因為佢尋日講, 同今日講唔同..我地跟左尋日既野...錯哂..今日又學D新野)
我: 唉
佢: 唉咩..
我: 大件事囉
佢: 咩事
我: 阿爸實笑我地啦...咩都"拿手唔成世"
佢: 係呀..佢一定話..唉..唔識就唔好攪咁多野啦
我: 係啦.佢一定話.......
(我同細佬兩個一邊講, 就一邊搬一袋二袋既金銀衣紙上車)

P.S, 大家唔駛太擔心我...我好好..
過左身既親人都一定唔想身邊既人太傷心..
只要好好生活下去...先是最要做的禮節!!!