第一百二十六篇---頭D

閒時都有同黎小姐分享一下學校的事, 於是我發現一件有趣的小事:
跟我做Scene 的Partner, 叫Daryl
送月餅給我的叫Danny
一齊過了一年Scenic Design的生涯，常常鼓勵我的那位叫Daniel
韓國同學叫David...
新工作的上司叫Dino....
全部都是頭D呀！！！

這個學期，到圖書館找到一份工作－Media Center Student Helper.
基本上，　Basement是我睇哂．．勁呀！
未做之前，　個個人同你講，　份工好好架，冇野做既，　只係坐係度就有錢收！
做左之後，　親身驗証左：坐係度一邊讀書就有錢收．．．
細細個因為「情書」的藤井樹，已經好恨好恨做圖書館館理員。當然如果給我遇上好似「柏原崇」既男生，就更加美好。始終深信，一個好喜歡睇書既人係比較有深度。
當我掙扎於做Research assistant同Student helper，我都是想試試。說到底，　畢業後都未必再有機會去圖書館做。

每星期做八小時，　收入非常滿意。雖然我都是沒有太多工作量。多是解決一下讀者的問題，教人用不同的儀器，還有叫人唔好講野太大聲，　唔可以用手提，　加唔準食野。
於是這個八小時內，多是給我讀書。
學陳醫生說，　Work Study, 當然是一邊Work一邊Study啦．．．
今日返工，　我經過放DVD 的架，我發現好多讀者都會拿完看一看那隻DVD後，就會求其放返上去。（我地的工作只是負責將有人還的DVD放上架，而那個架本身應該是順序排好的）不過事實當然係亂哂啦．．．有時搵起DVD上黎，就算明知放上架，點搵都會搵唔到。
於是的起心肝將佢排好。
其實呢．．我都是果Ｄ會拎本書落黎，　再求其放上去既人。
我以後唔敢喇．．．．因為真係會做死人架！