第一百零三篇---近況

其實每天的作息/生活很穩定...
星期一至星期五, 用個半小時的車程返工, 放工。
下星期做完了.....今日收到份report.是介乎係outstanding 同very good 中間。
老闆好滿意我的工作, 當然啦..佢對我幫佢整既ad package非常滿意..還有我更幫佢找來一大堆的research..跟 Anna(學校負責intern的Prof)說我的工作...她說我應該是最忙的一個intern..
係囉...工作量同一個full time staff係冇分別..分別在我冇收錢..還有, Production Manager入黎office, 永遠唔會叫我名, 佢地只會叫我.........Miss Intern. 佢地更打算為我整一件黑衫...大大隻字寫住--I intern @ Factory.....很型呀..佢地笑呢d job 當然搵Exe.Director做design.....佢最鐘意做呢d.
不過director係我返工頭一星期就開始放假.......

學車, 努力中....師傅很有趣
#################
師傅問: 點呀, 第一次緊唔緊張
我: 唔會呀...你緊張d....架車又唔係我既...冇所謂啦...保險加你之麻..嘿嘿
#######
我加油唔少心比多左油..
師傅: 唔駛咁大力呀, 耕田咩!
我一聽到佢咁講..大笑好耐, 一路轉左一路好辛苦咁笑..
師傅: 不如前面停一停比你笑完啦..見你好辛苦咁喎
#########
(等候轉燈, 很靜..)
(我自己笑)
師傅: 講黎聽下有咩好笑
我: 冇呀, 我見大家咁靜....想做d野可以舒緩一下緊張氣氛
唔知講咩, 咪笑囉
哈哈
師傅無奈
############
我次次做漏野都會say sorry
又做漏野: sorry
師傅: 你唔好再同我say sorry喇
又做錯野: 唔好意思
師傅: 都叫你唔好say sorry..
我:你都唔比我講唔好意思
########

師傅:
講真, 我真係好鐘意教你
我:梗係..我次次都係你每日最後既學生, 教完我就收工...幾開心
師傅: 咁就梗啦..不過次次都好開心咁一路傾一路學...
我: 係囉...仲要有錢收住..真係辛苦哂你
(未完)